گوگل نیوز پر ہمیں فالو کریںکراچی :دسمبر کی ماہانہ فیول ایڈجسٹمنٹ کی مد میں بجلی کے نرخوں میں اضافے کا امکان ،کے الیکٹرک نے کراچی کے صارفین کیلئے بجلی مزید مہنگی کرنے کی اجازت مانگ لی۔
دسمبر کی ماہانہ فیول ایڈجسٹمنٹ کی مد میں کے الیکٹرک کے 1اعشاریہ 79 روپے کے بلوں کی قیمتوں میں اضافے کی ایک اور درخواست بھی جمع کرائی گئی ہے۔اس درخواست کی سماعت 2 فروری کو شروع کی جائے گی۔
واضح رہے کہ 12 جنوری کو نیشنل الیکٹرانک پاور ریگولیٹری اتھارٹی (نیپرا) نے موسمِ سرما میں کے الیکٹرک صارفین کیلئے بجلی سستی کرنے کی منظوری دے دی ہے۔
نیپرا نے کے الیکٹرک صارفین کیلئے سردیوں میں کم نرخوں پر بجلی کی دستیابی یقینی بنانے کی منظوری دی ہے۔ گھریلو، کمرشل اور عمومی صارفین کیلئے ریٹ 12اعشاریہ 96 روپے فی یونٹ ہوگا۔
نیشنل الیکٹرانک پاور ریگولیٹری اتھارٹی (نیپرا) نے کے الیکٹرک صارفین کیلئے سرکاری رعایتی پیکیج کا فیصلہ وفاقی حکومت کو بھجوا دیا جس کا اطلاق یکم نومبر 2021 سے 28 فروری 2022 تک ہوگا۔
مزید پڑھیں:بدقسمتی سے پاکستان میں بجلی بہت مہنگی ہے: وزیراعظم عمران خان
