گوگل نیوز پر ہمیں فالو کریںاسلام آباد:وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ غریبوں کی ہمدردی میں مگرمچھ کے آنسو بہانے والوں کا بویا آج پوری قوم کاٹ رہی ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے اپوزیشن پر تنقید کرتے ہوئے کہا کہ اپنے کارکنوں کو دھوکہ دینے والے کس منہ سے دوسروں پر طعنے کستے ہیں۔
اپوزیشن پر تنقید جاری رکھتے ہوئے معاونِ خصوصی فردوس عاشق اعوان نے کہا کہ دشنام طرازی کرنے والوں کا بویا قوم کو کاٹنا پڑ رہا ہے جبکہ چار دن جیل میں رہنے والوں کی چیخیں بند نہیں ہو رہیں۔
اپنے کارکنوں کو دھوکہ دینے والے کس منہ سے دوسروں پر دشنام طرازی کرتے ہیں۔غریبوں کی ہمدردی میں مگرمچھ کے آنسو بہانے والوں کا بویا آج پوری قوم کاٹ رہی ہے۔چار دن جیل میں نہ رہنے والوں کی چیخیں بند نہیں ہو رہیں۔
— Dr. Firdous Ashiq Awan (@Dr_FirdousAwan) January 20, 2020
حکومتی اقدامات پر روشنی ڈالتے ہوئے فردوس عاشق اعوان نے کہا کہ 16 ماہ کے دوران موجودہ حکومت نے قرضوں کی ادائیگی سمیت معاشی نظم و ضبط قائم کرنے کے لیے بر وقت جرات مندانہ فیصلے کیے۔
معاونِ خصوصی اطلاعات فردوس عاشق اعوان نے کہا کہ مالیاتی اور انتظامی مشکل فیصلے قوم کو 71 سالہ مسائل سے نجات دلانے کے لیے کیے گئے۔ قوم کی ہمت و حوصلے سے خوشحالی کے نئے دور کا آغاز ہوگا۔
16 ماہ میں موجودہ حکومت نے قرضوں کی ادائیگی سمیت معاشی نظم و ضبط قائم کرنے کے لیے بروقت اور جرات مندانہ فیصلے کئے۔مالیاتی اور انتظامی مشکل فیصلے قوم کو 71 سال کے مسائل سے نجات دلانے کے لیے کئے گئے ہیں۔ قوم کی ہمت اور حوصلے سے خوشحالی کے نئے دور کا آغاز ہونے جارہاہے۔
— Dr. Firdous Ashiq Awan (@Dr_FirdousAwan) January 20, 2020
ڈاکٹر فردوس عاشق اعوان نے کہا کہ وزیر اعظم عمران خان کو قوم کی مشکلات کا بخوبی احساس ہے۔ عوام کو براہِ راست ریلیف دینے کے لیے 7 ارب کا پیکیج دیا گیا ہے۔
فردوس عاشق اعوان نے کہا کہ یوٹیلٹی اسٹورز کے ذریعے 7 ارب کے پیکیج کے ساتھ ساتھ آنے والے دنوں میں عوام کی آسانی کے لیے مزید اقدامات کیے جائیں گے۔
وزیراعظم عمران خان کو قوم کی مشکلات کا بخوبی احساس ہے۔ عوام کو براہ راست ریلیف دینے کیلئے 7ارب کا یوٹیلیٹی سٹورز کے ذریعے پیکیج دیا گیا۔آنے والے دنوں میں عوام کی آسانی کیلئے مزید اقدامات ہوں گے۔
— Dr. Firdous Ashiq Awan (@Dr_FirdousAwan) January 20, 2020
