موڈرناکانئے کورونا ویرینٹ اومی کرون کیلئے بوسٹر شارٹ تیار کرنیکا اعلان

نیویارک:امریکی دوا ساز کمپنی موڈرنانے کورونا وائرس کے نئے ویرینٹ اومی کرون کے خلاف ایک بوسٹر شارٹ تیار کرنے کا اعلان کردیا ہے۔

موڈرنا کے سی ای او اسٹیفن بینسل کاکہنا ہے کہ ہماری کمپنی اومی کرون جیسے نئے خطرے سے نمٹنے کے لیے کام کر رہی ہےاورہم اومی کرون کا توڑ بنانے کیلئے تیزی سے آگے بڑھ رہے ہیں۔

واضح رہے کہ جنوبی افریقہ میں کورونا وائرس کی نئی قسم کے تیزی سے پھیلنے کا انکشاف ہوا ہے جس کے بعدمختلف ملکوں کی جانب سے سفری پابندیاں عائد کر دی گئی ہیں۔

مزید پڑھیں:’اومی کرون‘، کورونا کی نئی قسم دریافت، پوری دنیا میں کھلبلی، دوبارہ پابندیاں عائد

جنوبی افریقہ میں کورونا وائرس کا تیزی سے منتقل ہونے والا نیا ویرینٹ سامنے آنے کے بعد سائنسدانوں اور طبی ماہرین نے خبردار کیا ہے کہ نئے وائرس پر ویکسین کا زیادہ اثرنہیں ہورہا۔

دوسری جانب کئی ممالک نے جنوبی افریقہ سمیت مختلف افریقی ممالک پر سفری پابندیاں عائد کر دیں۔سنگا پور نے جنوبی افریقہ سمیت7 افریقی ممالک کیلئے سفری پابندیوں کا اعلان کر دیا ہے، سنگاپور کی جانب سے ان سفری پابندیوں کا اطلاق اتوار سے ہو گا۔