گوگل نیوز پر ہمیں فالو کریںپیرس: عالمی شہرت یافتہ پاپ گلوکارہ مائلی سائرس نے جمعرات کی رات پیرس میں بیونسی کے کنسرٹ میں اچانک شرکت کر کے مداحوں کو حیران کر دیا۔
یہ شاندار لمحہ اسٹیڈ ڈی فرانس اسٹیڈیم میں اُس وقت پیش آیا جب بیونسی نے اپنی کاؤ بوائے کارٹر ٹور کے دوران حاضرین کو کچھ خاص دکھانے کا اشارہ دیا۔
کنسرٹ کے درمیان بیونسی نے اسٹیج پر مائلی سائرس کو مدعو کیا اور دونوں نے اپنا گریمی ایوارڈ یافتہ گاناایک ساتھ پیش کیا۔
سونے جیسے لباس میں ملبوس یہ دونوں سپر اسٹارز ہاتھوں میں ہاتھ ڈال کر اور گال پر بوسہ دے کر اسٹیج پر جلوہ گر ہوئیں۔ جیسے ہی موسیقی شروع ہوئی، پورا سٹیڈیم تالیوں اور نعروں سے گونج اٹھا۔
I just noticed that Miley did the iconic Beyoncé pose! Iconic! pic.twitter.com/ZxQ7FGQszt
— Beyoncé Press. (@beyoncepress) June 19, 2025
بیونسی نے جذباتی انداز میں کہاکہ میں آپ سب سے بے حد محبت کرتی ہوں۔ مائلی سائرس کے ساتھ گانے پر شکر گزار ہوں۔پرفارمنس کے بعد بیونسی نے سامعین سے مخاطب ہو کر کہاکہ یہ واقعی ایک ناقابلِ فراموش لمحہ تھا۔
یاد رہے کہ 32 سالہ مائلی سائرس ان دنوں یورپ میں اپنی نئی البم سمتھنگ بیوٹیفل کی تشہیر میں مصروف ہیں۔ اگرچہ وہ ووکَل کورڈ پر موجود ایک بڑا پولِپ (غدود) جیسی طبی مشکل کا شکار ہیں، جو لائیو پرفارمنس کو مشکل بناتا ہے، مگر ان کی فنی چمک میں کوئی کمی نظر نہیں آتی۔
حال ہی میں گفتگو کرتے ہوئے انہوں نے اپنی بھاری اور منفرد آواز کی وجہ اسی غدود کو قرار دیا اور اسے ایک نعمت قرار دیا، اگرچہ انہوں نے تسلیم کیا کہ اس کے باعث گانا نسبتاً مشکل ہو جاتا ہے۔
اس کنسرٹ کے پس منظر میں مائلی کی ذاتی زندگی کی چند جذباتی جھلکیاں بھی سامنے آئیں۔ ریکلیمِنگ پوڈکاسٹ پر سابقہ وائٹ ہاؤس ملازمہ مونیکا لیونسکی سے گفتگو کرتے ہوئے مائلی نے بتایا کہ ان کے خاندان نے ایک اندھیری دہائی کا سامنا کیا۔
بلی رے سائرس اور ٹِش سائرس کی علیحدگی کے بعد، انہوں نے بتایا کہ کسی ماہرِ نفسیات یا تھراپی کے بغیر انہوں نے اپنے رشتوں کو بحال کیا۔
ان کے اور بیونسی کے اس مشترکہ پرفارمنس کو سوشل میڈیا پر مداحوں نے یادگار اور آئیکونک قرار دیا۔ کئی صارفین نے اسے سال کا بہترین لائیو لمحہ قرار دیتے ہوئے تبصرہ کیا کہ جب بیونسی اور مائلی اسٹیج پر ہوں، تو کچھ بھی ممکن ہے۔
