گوگل نیوز پر ہمیں فالو کریںکے الیکٹرک نے 2 اکتوبر 2026 کو شہر کے مختلف علاقوں میں بجلی کی عارضی بندش کا شیڈول جاری کردیا ہے۔ کمپنی کے مطابق مرمت، بحالی اور دیگر ضروری کاموں کے باعث متعدد فیڈرز سے بجلی کی فراہمی مختلف اوقات میں معطل رہے گی۔
کے الیکٹرک کے شیڈول کے مطابق عبدالرحمان فیڈر سے بجلی کی فراہمی صبح 8:59 بجے سے شام 5:29 بجے تک، علاءالدین پارک سے صبح 9:30 بجے سے شام 6 بجے تک جبکہ بغدادی فیڈر سے صبح 9:59 بجے سے شام 5:59 بجے تک متاثر ہوگی۔
اسی طرح بلوچستان پارٹیکل بورڈ، بورسٹل جیل، غازی آباد آر ایم یو، چنچاری آر ایم یو، چنیوٹ اسپتال، جی-3 اپارٹمنٹس، جی مارکیٹ آر ایم یو اور گرین لینڈ سٹی سمیت مختلف علاقوں میں بھی مقررہ اوقات کے دوران بجلی کی فراہمی معطل رہنے کا امکان ہے۔
شیڈول کے مطابق انڈس آئس فیڈر پر صبح 9:59 بجے سے سہ پہر 3:59 بجے تک، ایران سینٹر میں صبح 11 بجے سے شام 6 بجے تک جبکہ میمون گوٹھ ٹیلی فون ایکسچینج سے صبح 9 بجے سے شام 6 بجے تک بجلی بند رہے گی۔
دوسری جانب میرٹ پیکیجز فیڈر پر بجلی کی بندش صبح 10:59 بجے سے رات 10:59 بجے تک مقرر کی گئی ہے، جبکہ پی ایس او ٹو فیڈر سے صبح 10:29 بجے سے رات 11:29 بجے تک بجلی کی فراہمی معطل رہنے کا شیڈول دیا گیا ہے۔
کے الیکٹرک کے مطابق دیگر متاثرہ مقامات میں جمع خان، جنید ٹریڈ RMU، کنگ ہیچری، مشرق سوسائٹی، ناز پلازہ، آف بیٹ اسٹریٹ، پی اینڈ ٹی کالونی، پہلوان گوٹھ، پنک پارک RMU، سائمہ عربین رینچز، سیکٹر E-8/S-08، شالیمار آئس، سہیل شمسی اور ٹیکنیکل کالج شامل ہیں۔
کمپنی کے جاری کردہ شیڈول کے مطابق بیشتر علاقوں میں بجلی کی بندش کا دورانیہ صبح سے شام تک ہوگا تاہم بعض فیڈرز پر بجلی کی فراہمی رات گئے تک بھی معطل رہ سکتی ہے۔
شہریوں کو مشورہ دیا گیا ہے کہ وہ مقررہ بندش کے اوقات کو مدنظر رکھتے ہوئے اپنے روزمرہ کے معمولات اور ضروری برقی کاموں کی منصوبہ بندی کریں۔
