نواز اورشہباز شریف کی ہدایت پر آج کشمیریوں سے بھرپور اظہار یکجہتی کیا جائیگا‘ احسن اقبال

لاہور: پاکستان مسلم لیگ ن کے سیکرٹری جنرل احسن اقبال نے کہا ہے کہ پارٹی قائد نواز شریف اور صدر شہباز شریف کی ہدایت پر آج 27اکتوبر کو ملک بھر میں کشمیریوں سے بھرپور اظہار یکجہتی کیا جائے گا ۔

اپنے ٹوئٹ میں احسن اقبال نے کہا کہ اس سلسلہ میں ملک بھر میں ریلیاں نکالی جائیں گی اور اجتماعات منعقد کئے جائیں گے۔

پاکستان مسلم لیگ (ن) کے سیکریٹری جنرل احسن اقبال کا ملک بھر میں یوم سیاہ بھرپور جذبے سے منانے کے عزم کا اظہار
کشمیریوں کی آزادی ہمارا قومی نصب العین ہے
پاکستان مسلم لیگ (ن) آج ملک بھر میں اپنے کشمیری بھائیوں، بہنوں کے ساتھ بھرپور یک جہتی کا مظاہرہ کرے گی

— PML(N) (@pmln_org) October 27, 2019

اپنے ویڈیو بیان میں انہوں نے کہا کہ مسلم لیگ (ن) کے کارکنوں سے درخواست ہے کہ قائد نواز شریف اور صدر شہباز شریف کی ہدایات کے مطابق پورے ملک میں کشمیریوں سے اظہار یکجہتی کے لئے کے پرچم تلے بھرپور ریلیاںنکالیں اور یکجہتی کے اجتماعات کریں ۔

تاکہ ہم کشمیر میں بھارت کے مظالم سہنے والے اپنے بہنوں اوربھائیوں کو واضح اور دو ٹوک پیغام دے سکیں کہ پاکستانی قوم آپ کے شانہ بشانہ اورآپ کی آواز ہے اور آپ کے ساتھ قدم سے قدم ملا کر ہر محاذ پر موجود ہیں ۔