گوگل نیوز پر ہمیں فالو کریںاسلام آباد :ترجمان عوامی نیشنل پارٹی زاہد خان نے کہاہے کہ سلیکٹڈ وزیراعظم عمران خان عوام کی زندگیوں سے کھیل رہا ہے۔ایک بیان میں انہوں نے کہاکہ بھارت مقبوضہ کشمیر میں مظلوم کشمیروں پر مظالم ڈھا رہا ہے اور اسلام آباد میں احتجاج کرتی خواتین کو انکے بچوں کے ساتھ تھانے میں بند کر دیا گیا۔
انہوں نے کہاکہ آپ کے پاس اب کیا جواز رہ جاتا ہے کہ آپ مقبوضہ کشمیر میں مظالم کی بات کریں جبکہ آپ اپنے دارلحکومت میں خواتین اور بچوں کو تھانوں میں بند کر رہے ہیں ۔ انہوںنے کہاکہ پاکستان میں سلیکٹڈ وزیر اعظم تو ریاست مدینہ اور انصاف کی بات کرتا تھا ،مولانا طارق جمیل سے سوال کرتے ہیں کہ وہ کس چیز پر اس موجودہ سلیکٹڈ حکومت کی حمایت کرتے ہیں۔
مزید پڑھیں : اے این پی فضل الرحمٰن کے آزادی مارچ کی حمایت کرتی ہے، اسفندیار ولی
انہوں نے کہاکہ کیا ریاست مدینہ میں عورتوں اور بچوں کو اٹھا کر تھانوں میں بند کر دیا جاتا تھا ؟ ،طارق جمیل کو قوم سے معافی مانگنی چاہیے ۔انہوں نے کہاکہ اس وقت معاشرے کا ہر طبقہ ٹیچرز ، ڈاکٹرز ، دکاندار ، مزدور احتجاج کر رہا ہے،سارے ملک میں افراتفری ہے۔
انہوں نے کہاکہ ایسا کبھی جمہوری ادوار میں نہیں دیکھا گیا ،حکومت نے میڈیا کو ڈرایا ہوا ہے ،جو لوگ احتجاج کر رہے ہیں میڈیا انھیں خوف سے نہیں دیکھا رہا ،جمہوری ادوار میں لوگوں کو احتجاج کا حق ہوتا ہے ۔انہوں نے کہاکہ سوشل میڈیا سے پوری دنیا دیکھ رہی ہے کہ حکمران ہماری قوم کے ساتھ کیا کرتے ہیں،سلیکٹڈ وزیر اعظم کی لاش کا بوجھ اداروں نے کندھوں پر اٹھایا ہوا ہے۔
انہوں نے کہاکہ ملک میں خلفشار ہے ، بین الاقوامی محاز پر دشواریاں ،سلیکٹڈ وزیر اعظم کا بوجھ اٹھا اٹھا کر اداروں کے اپنے کندھے تھک گئے ہیں ۔ انہوںنے کہاکہ اب اداروں ان کی حمایت نہ کریں یہ ملک مفاد میں نہیں ،آصف زرداری اور نواز شریف کے ساتھ برا سلوک عوام ہے۔
یہ بھی پڑھیں : آج پھر ملک پرظالم، کٹھ پتلی، سلیکٹڈ اور آمریت کی پیداوار کا راج ہے، بلاول بھٹو
