گوگل نیوز پر ہمیں فالو کریںکراچی: جنوبی افریقہ کیخلاف پہلے ٹیسٹ کے تیسرے روز پہلی اننگز میں قومی ٹیم 378 رنز بنا کر آؤٹ ہوگئی، قومی ٹیم کوجنوبی افریقہ کیخلاف 158 رنز کی برتری ملنے کے باعث پوزیشن مستحکم ہوگئی۔
پاکستان کی طرف سے پہلی اننگز میں فواد عالم 109 رنز کے ساتھ نمایاں رہے،فہیم اشرف نے 64، اظہر علی نے 51 رنز بنائے، ڈیبیو ٹیسٹ کھیلنے والے اوپنر عمران بٹ 9 رنز بنا سکے، عابد علی 4، کپتان بابراعظم 7، محمد رضوان 33 رنز بنا کر آؤٹ ہوئے، پہلی اننگز میں حسن علی 21 رنز بنا کر آؤٹ ہوئے۔
دوسری جانب قومی ٹیم کے سابق کپتان انضمام الحق کا کہنا ہے کہ فواد عالم نے ہر گیند کو صحیح طریقے سے کھیلا، فواد عالم کی وجہ سے پاکستان ویننگ پوزیشن میں آگیا، فواد عالم کی اننگز کی وجہ سے جنوبی افریقہ کی ٹیم مشکل میں آگئی۔
