گوگل نیوز پر ہمیں فالو کریںکراچی: پاکستان تحریکِ انصاف شہرِ قائد میں جاری تجاوزات کے خلاف آپریشن پر چپ نہ رہ سکی، پی ٹی آئی کے مطابق شہر میں تجاوزات کے خلاف آپریشن میں بے گناہ عوام نشانہ بن رہے ہیں۔
سماجی رابطے کی ویب سائٹ ٹوئٹر پر اپنے پیغام میں تحریکِ انصاف کراچی ڈویژن کے رہنما و رکنِ سندھ اسمبلی ارسلان تاج گھمن نے کہا کہ شہر میں جاری تجاوزات کے خلاف آپریشن میں بے گناہ عوام کو نشانہ بنایا جارہا ہے۔
پیغام میں رکنِ سندھ اسمبلی ارسلان تاج گھمن نے کہا کہ جن سرکاری افسران نے قبضے کروائے، سب سے پہلے ان کے خلاف کارروائی کی جائے۔ بے گناہ عوام کو نشانہ کیوں بنایا جارہا ہے؟
پیپلز پارٹی کی صوبائی حکومت کے فرائض کی نشاندہی کرتے ہوئے رکنِ سندھ اسمبلی ارسلان تاج گھمن نے کہا کہ کسی کا گھر گرانے سے پہلے متبادل گھر فراہم کرنا سندھ حکومت کی ذمہ داری ہے۔
شہرمیں جاری تجاوزات کے خلاف آپریشن میں بے گناہ عوام کو نشانہ بنایا جا رہا ہے۔ جن سرکاری افسران نے قبضے کروائے سب سے پہلے ان کے خلاف کارروائی ہو نی چاہئے ۔
کسی کا گھر گرانے سے پہلے متبادل گھر فراہم کرنا سندھ حکومت کی ذمہداری ہے۔ #Karachi
— Arsalan Taj (@ArsalanGhumman) February 11, 2020
یاد رہے کہ اس سے قبل پاکستان تحریکِ انصاف کراچی ڈویژن کے سینئر رہنما اور رکنِ سندھ اسمبلی ارسلان تاج گھمن آئی جی سندھ کے معاملے پر پیپلز پارٹی کی صوبائی حکومت سے ناراض ہو گئے۔
ٹوئٹر پر تین روز قبل اپنے پیغام میں رکنِ سندھ اسمبلی ارسلان تاج نے کہا کہ آئی جی کے معاملے میں پیپلز پارٹی کہتی ہے کہ پنجاب میں جو ہوا، وہی کیا جائے۔
مزید پڑھیں: تحریکِ انصاف آئی جی سندھ کے معاملے پر صوبائی حکومت سے ناراض
