گوگل نیوز پر ہمیں فالو کریںپاکستان کسٹمز کے اہلکاروں نے کامیاب کارروائی کرتے ہوئے بلوچستان سے کراچی کروڑوں روپے کے موبائل فونز اسمگل کرنے کی کوشش ناکام کردی۔
انسداد اسمگلنگ مہم کے تحت کارروائی کرتے ہوئے پاکستان کسٹمز نے بلوچستان سے کراچی آنے والی بس سے اسمگل شدہ موبائل فونز کی بڑی مقدار برآمد کر لی۔
پاکستان کسٹمز کے حکام نے بتایا کہ کراچی میں موچکو کے قریب ایک خالی بس کو مشکوک سمجھ کر روکا اور تلاشی لی گئی۔
کسٹم حکام کے مطابق بس کی تلاشی کے دوران فرش، چھت اور سائڈ وال کے خفیہ خانوں میں چھپائے گئے 351 اسمارٹ فونز برآمد ہوئے۔
کسٹم نے ڈرائیور کو حراست میں لے لیا جبکہ اسمارٹ فونز اور بس کو ضبط کرکے کسٹمز ایکٹ کی متعلقہ دفعات کے تحت گرفتار کر لیا گیا ہے۔
سرکاری حکام نے بتایا کہ برآمد ہونے والے اسمارٹ فونز کی مالیت 1کروڑ 72لاکھ 20ہزار روپے ہے۔
