گوگل نیوز پر ہمیں فالو کریںدنیا بھر کی طرح پاکستان میں بھی کروڑوں صارفین روزمرہ کے رابطوں کے لیے واٹس ایپ کا استعمال کرتے ہیں تاہم بعض اوقات سیکیورٹی یا غیر سرکاری ایپس کے استعمال کی وجہ سے اکاؤنٹس عارضی طور پر بلاک یا لاگ آؤٹ ہو جاتے ہیں۔ اگر آپ کو بھی اس قسم کے مسئلے کا سامنا ہے تو گھبرانے کی ضرورت نہیں ہے۔
واٹس ایپ اکاؤنٹ فوری بحال اور محفوظ بنانے کے آسان اقدامات
اپنے واٹس ایپ اکاؤنٹ تک دوبارہ رسائی حاصل کرنے اور اسے ہیکرز یا ممکنہ خطرات سے محفوظ رکھنے کے لیے درج ذیل احتیاطی تدابیر اور اقدامات پر فوری عمل کریں:
صرف آفیشل واٹس ایپ کا استعمال:
ہمیشہ گوگل پلے اسٹور یا ایپل ایپ اسٹور سے واٹس ایپ کا تازہ ترین (Updated) ورژن ڈاؤن لوڈ کریں۔ تھرڈ پارٹی یا موڈیفائڈ واٹس ایپ (جیسے GB WhatsApp وغیرہ) کا استعمال ہرگز نہ کریں، کیونکہ یہ اکاؤنٹس کی معطلی کا سب سے بڑا سبب بنتے ہیں۔
فون کا آپریٹنگ سسٹم اپ ڈیٹ رکھیں:
اپنے سمارٹ فون کی سیٹنگز میں جا کر چیک کریں کہ آیا کوئی نیا سافٹ ویئر یا OS اپ ڈیٹ موجود ہے یا نہیں۔ فون کا اپ ڈیٹ رہنا سیکیورٹی کے لیے نہایت ضروری ہے۔
مشکوک ایپس کا خاتمہ:
اپنے موبائل فون کا جائزہ لیں اور تمام غیر معروف یا غیر ضروری ایپس کو فوراً ان انسٹال کر دیں۔
گوگل پلے پروٹیکٹ آن رکھیں:
اینڈرائیڈ صارفین اپنے فون میں ‘Google Play Protect’ کو لازمی فعال (Enable) رکھیں تاکہ خطرناک اور وائرس زدہ ایپس کی نشاندہی ہو سکے۔
اکاؤنٹ کمپرومائز ہونے کی صورت میں کیا کریں؟
اگر آپ کو خدشہ ہے کہ آپ کا واٹس ایپ اکاؤنٹ ہیک یا خطرے میں پڑ چکا ہے، تو درج ذیل لائحہ عمل اپنائیں:
سب سے پہلے اپنے ضروری ڈیٹا کا محفوظ بیک اپ (Backup) لیں۔
اگر فون میں کوئی پیچیدہ مسئلہ درپیش ہو تو فون کو فیکٹری ری سیٹ (Factory Reset) کرنے پر غور کریں۔
اگر اس کے باوجود مسئلہ حل نہ ہو تو براہِ راست واٹس ایپ سپورٹ سے رابطہ کریں یا مزید قانونی و تکنیکی رہنمائی کے لیے پی ٹی اے (PTA) کی ہیلپ لائن سے مدد لیں۔
