گوگل نیوز پر ہمیں فالو کریںاسلام آباد: وزیر اعظم عمران خان نے اعلان کیا ہے کہ حکومت نے گورنر ہاؤس نتھیا گلی اور تمام سرکاری ریسٹ ہاؤسز عوام کے لیے کھول دئیے ہیں۔
وزیر اعظم نے سماجی رابطے کی ویب سائٹ ٹوئٹر پر گزشتہ روز ایک ویڈیو شیئر کرتے ہوئے اپنے پیغام میں کہا کہ یہ گورنر ہاؤس نتھیا گلی اور سرکاری ریسٹ ہاؤسز نو آبادیات کی نشانیاں ہیں جن کی دیکھ بھال کے لیے ٹیکس سے ادائیگی کی جاتی تھی۔
یہ بھی پڑھیں: وزیر اعظم پاکستان آج مسئلہ کشمیر پر قوم سے خصوصی خطاب کریں گے
عمران خان نے کہا کہ سالانہ کروڑوں روپے کے اخراجات سے نو آبادیات کی نشانیوں کی دیکھ بھال ہوئی۔ اب خیبر پختونخواہ حکومت ان کو آمدن کا ذریعہ بنائے گی۔ کے پی کے حکومت کا کہنا ہے کہ ریسٹ ہاؤسز کی آمدنی سے ہی انہی عمارتوں کی تزئین و آرائش کا کام لیا جائے گا۔
نوآبادیات کی یہ نشانیاں جن کی دیکھ بھال کیلئے ٹیکس کے پیسوں سے سالانہ کروڑوں کے اخراجات اٹھتے، اب حکومت کیلئے آمدن کا ذریعہ بنیں گے۔ pic.twitter.com/BYR2DqJdVv
— Imran Khan (@ImranKhanPTI) August 25, 2019
دوسری طرف سندھ حکومت نےکراچی، حیدر آباد اور سکھر سمیت سندھ کے تمام شہروں میں کسی بھی ناخوشگوار واقعے سے بچنے کے لیے 9 اور 10 محرم کو موٹر سائیکل ڈبل سواری پر پابندی عائد کردی ہے۔
محکمہ داخلہ سندھ کے مطابق فوجداری قوانین کی دفعہ 144 کے تحت یہ اقدام محرم الحرام کے مہینے میں دہشت گردوں سے تحفظ کو یقینی بنانے کے لیے کیا گیا۔ڈبل سواری پر پابندی سے معذور افراد،صحافی، بزرگ، 12 سال سے کم عمر بچے اور خواتین مستثنیٰ ہیں۔
مزید پڑھیں: کراچی سمیت سندھ بھر میں محرم کے دوران ڈبل سواری پر پابندی عائد
