گوگل نیوز پر ہمیں فالو کریںاسلام آباد: وفاقی وزیر قانون فروغ نسیم نے اپنے عہدے سے استعفیٰ دے دیا۔
وفاقی وزیر ریلوے شیخ رشید نے اسلام آباد میں پریس کانفرنس کے دوران فروغ نسیم کے استعفے کی تصدیق کرتے ہوئے کہا ہے کہ فروغ نسیم نے کابینہ اجلاس میں اپنا استعفیٰ پیش کیا جس کو منظور کرلیا گیا۔
شیخ رشید کاکہناتھا کہ فروغ نسیم کل سپریم کورٹ میں آرمی چیف قمر جاوید باجوہ کی پیروی کریں گے، فروغ نسیم کل عدالت میں اٹارنی جنرل انور منصور کے ہمراہ پیش ہوں گے۔
وزیر ریلوے کا کہنا تھا کہ کابینہ اجلاس کے دوران کسی رکن نے فروغ نسیم پر تنقید نہیں کی،اس موقع پر معاون خصوصی برائے احتساب شہزاد اکبر کا کہنا تھا کہ فروغ نسیم نے رضاکارانہ طور پر استعفیٰ دیا ہے کیونکہ وہ وفاقی وزیر کی حیثیت سے عدالت میں پیش نہیں ہوسکتے تھے۔
یہ بھی پڑھیں: وزیراعظم عمران خان کی زیرصدارت وفاقی کابینہ کا اہم اجلاس
