اپوزیشن تیار ہوجائے، پی ٹی آئی نے انتخابی مہم شروع کردی۔فیصل جاوید

اسلام آباد: پاکستان تحریکِ انصاف کے سینیٹر فیصل جاوید خان نے کہا ہے کہ اپوزیشن بھی تیار ہوجائےکیونکہ پی ٹی آئی نے انتخابی مہم شروع کردی ہے۔ پارلیمانی بورڈ جلد تشکیل دیا جائے گا۔

سماجی رابطے کی ویب سائٹ ٹوئٹر پر رات گئے اپنے پیغام میں سینیٹر فیصل جاوید خان نے کہا کہ تحریکِ انصاف نے انتخابی مہم کا آغاز کردیا۔ پارلیمانی بورڈ جلد تشکیل دیں گے جس میں پی ٹی آئی کے نظریاتی کارکنان کو اولین ترجیح دی جائے گی۔

یہ بھی پڑھیں:

بطور وزیراعظم عمران خان کا عہدہ ختم ہونے کا نوٹیفکیشن جاری، کابینہ تحلیل

PTI kicks off it's election campaign. Parliamentary Board to be formed soon. Ideological & our die-hard workers shld be given top priority. Elections will be held on EVM & overseas will also be able to vote via internet voting.Opposition shld also get ready. #WhyScaredOfElections

— Faisal Javed Khan (@FaisalJavedKhan) April 3, 2022

ٹوئٹر پیغام میں سینیٹر فیصل جاوید خان نے کہا کہ انتخابات الیکٹرانک ووٹنگ مشین پر ہوں گے اور سمندر پار پاکستانیوں کو انٹرنیٹ کے ذریعے ووٹنگ کا موقع دیا جائے گا۔ اپوزیشن بھی تیار ہوجائے۔ آپ نے الیکشن سے گھبرانا نہیں ہے۔ 

خیال رہے کہ اس سے قبل عمران خان کا بطور وزیراعظم عہدہ ختم ہونے کا نوٹیفکیشن جاری کر دیا گیا جو نگراں وزیراعظم کے تقرر تک ذمہ داریاں ادا کرتے رہیں گے، 52 رکنی کابینہ بھی تحلیل کر دی گئی۔

کابینہ ڈویژن کی جانب سے عمران خان کو بطور وزیراعظم ڈی نوٹیفائی کر دیا گیا ہے، نوٹیفکیشن میں کہا گیا ہے کہ آرٹیکل 94 کے تحت صدر مملکت نے وزیراعظم کو کام جاری رکھنے کی ہدایت کر دی ہے۔