سہولیات دہلیز تک پہنچانا وزیراعظم کے ویژن کا ثبوت ہے۔فردوس عاشق اعوان

اسلام آباد: وزیرِ اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہجدید ٹیکنالوجی کو بروئے  کار لاتے ہوئے چالیس سے زائد شہری سہولیات شہریوں کو ان کی دہلیز تک پہنچانا وزیر اعظم عمران خان کے عوام دوست حکومت کے وژن کا عملی ثبوت ہے۔

سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ عوام کی خدمت پر مبنی مستعد اور متحرک نظام کی تشکیل وزیر اعظم عمران خان کا اصل مقصد ہے۔عوام کو سرکاری دفاتر کے چکر نہیں لگانا پڑیں گے، اپنی ضروریات کی تکمیل کیلئے آن لائن رابطہ کر سکیں گے۔

عوام کو سرکاری دفاتر کے چکر نہیں لگانا پڑیں گے، اپنی ضروریات کی تکمیل کیلئے آن لائن رابطہ کر سکیں گے۔2/2#COVID2019 #StaySafeStayHome

— Dr. Firdous Ashiq Awan (@Dr_FirdousAwan) March 26, 2020

وزیراعظم عمران خان کا منفرد ایپ کے اجراء کا اقدام جدید ٹیکنالوجی کے ذریعے شہریوں کی سہولیات میں اضافہ کرنے کا آئینہ دار ہے۔یہ ایپ شہریوں کو ان کے گھروں میں ان کے مسائل کی حل کی راہ ہموار کرنے میں معاون ثابت ہو گی۔2/1#COVID2019 #StaySafeStayHome

— Dr. Firdous Ashiq Awan (@Dr_FirdousAwan) March 26, 2020

معاونِ خصوصی فردوس عاشق اعوان نے کہا کہ پوری قوم کو کورونا وائرس کی چیلنج سے نمٹنے کے لیے ایک ہونا ہے۔ہرفرد کو ذمہ دارانہ کردار ادا کرنا ہے۔اس ایپ کی بدولت شہری کسی بھی فارمیسی میں ماسک کی کمی یا مہنگے داموں فروخت کی نشاندہی کر سکیں گے۔

پوری قوم کو کورونا وائرس کی چیلنج سے نمٹنے کے لیے ایک ہونا ہے،ہرفرد کو ذمہ دارانہ کردار ادا کرنا ہے۔اس ایپ کی بدولت شہری کسی بھی فارمیسی میں ماسک کی کمی یا مہنگے داموں فروخت کی نشاندہی کر سکیں گے۔#COVID2019 #StaySafeStayHome

— Dr. Firdous Ashiq Awan (@Dr_FirdousAwan) March 26, 2020