گوگل نیوز پر ہمیں فالو کریںمسیحیوں کے روحانی رہنما یعنی پاپائے اعظم کے انتخاب کا عمل آج سے شروع ہو گیا ہے جس میں پاکستان کے کارڈینل جوزف کوٹس بھی شامل ہیں۔
سینٹ پیٹرز باسلیکا کے سسٹین چیپل میں کارڈینلز کی ایک خفیہ میٹنگ میں 133 کارڈینلز جو 80 سال سے کم عمر کے ہیں، نئے پوپ کے انتخاب کے لیے جمع ہو گئے ہیں۔
یہ اجلاس اس وقت ہو رہا ہے جب پوپ فرانسس کا انتقال گزشتہ ماہ ہو گیا تھا، اور ان کی 12 سالہ پاپائی مدت کے بعد ایک نئے رہنما کا انتخاب ضروری تھا۔
اس انتخاب میں یورپ، امریکا، ایشیا اور افریقہ سے آئے ہوئے مختلف رجحانات کے حامل امیدواروں کی موجودگی نے اس عمل کو مزید دلچسپ بنا دیا ہے۔
کارڈینلز کے اس اجلاس میں سینٹ پیٹرز باسلیکا میں ایک آخری عبادت بھی ہو گی جس کے بعد پوپ کے انتخاب کا عمل شروع ہوگا۔
اس عمل کے دوران کارڈینلز نے ایک عظیم قسم کی گواہی دینے کا عہد کیا ہے اور انہیں ایک قسم اٹھانے کا موقع بھی ملے گا جس کے بعد انتخابی بیلٹ کے ذریعے نئے پوپ کا انتخاب کیا جائے گا۔
سب سے اہم بات یہ ہے کہ 80 فیصد کارڈینلز نے پوپ فرانسس کے زیرِ نگرانی مقرر کیے ہیں جو دکھی انسانوں کے حق میں آواز اٹھانے والے رہنما تھے تاہم بعض کارڈینلز یہ چاہتے ہیں کہ ایک ایسا رہنما منتخب ہو جو اس کی پاپائی میراث کو مستحکم کرے جبکہ دوسروں کی نظر میں ایک زیادہ قدامت پسند رہنما کا انتخاب ضروری ہے۔
انتخاب کے عمل کے دوران کارڈینلز نے اس بات پر بھی غور کیا ہے کہ چرچ کو درپیش مسائل جیسے کم ہوتے ہوئے پریسٹ کی تعداد، خواتین کا کردار، ویٹی کن کی مالی مشکلات اور جدید دنیا کے تقاضوں کے مطابق چرچ کو ڈھالنا شامل ہیں۔
اس اجلاس کے دوران کئی نام گردش کر رہے ہیں، جن میں اٹلی کے پیئر بیٹیسٹا پیزابالا، ہنگری کے پیٹر ارڈو اور سری لنکا کے مالکم رنجت شامل ہیں جبکہ پاکستان کے کارڈینل جوزف کوٹس بھی اس دوڑ میں شامل ہیں تاہم یہ دیکھنا ابھی باقی ہے کہ اس دوڑ میں کون کامیاب ہوتا ہے۔
اس انتخابی عمل کے دوران کارڈینلز اپنے موبائل فونز چھوڑ کر ایک قسم اٹھائیں گے تاکہ اجلاس کی راز داری کو برقرار رکھا جا سکے۔
جب دروازے بند ہوں گے تو ہر کارڈینل ایک بیلٹ پر “ایلیگو ان سمم پونٹیفیکم” (“میں سپریم پونٹف کا انتخاب کرتا ہوں”) کا نشان لگائے گا اور یہ بیلٹ ایک چاندی کی پلیٹ پر ڈالا جائے گا۔
اس عمل کے دوران ووٹوں کو جلانے کے لیے ایک کیمیکل استعمال کیا جائے گا جس سے دھواں نکلے گا: سیاہ دھواں اس بات کی نشاندہی کرے گا کہ انتخاب میں کوئی فیصلہ نہیں ہوا جبکہ سفید دھواں نئے پوپ کے انتخاب کا اعلان کرے گا۔
سینٹ پیٹرز اسکوائر پر سیکڑوں عقیدت مند جمع ہوں گے تاکہ سسٹین چیپل کے چمنی سے نکلنے والے دھوئیں کا انتظار کریں اور نئے پوپ کا دیدار کرسکیں۔
