گوگل نیوز پر ہمیں فالو کریںاسلام آباد : وزیر اعظم کی معاون خصوصی برائے سماجی تحفظ ڈاکٹر ثانیہ نشتر نے منگل کو نیشنل ڈیٹا بیس اینڈ رجسٹریشن اتھارٹی کی جانب سے احساس پروگرام کی معاونت اورمستحقین کی سہولت کے لئے کئے جانے والے انتظامات اور احساس پروگرام سے مستفید افراد کے لئے خدمات پر اطمینان کا اظہار کیا ہے۔
ان خیالات کا اظہار انہوں نے اسلام آباد میں نادرا میگا سنٹر کے دورے کے موقع پر کیا۔
ڈاکٹر ثانیہ نشتر نے احساس پروگرام کے مستحقین کے انگوٹھوں کی بائیو میٹرک تصدیق کے معاملے پر مدد کرنے پر نادرا حکام سے اظہار تشکر بھی کیا۔
واضح رہے کہ حکومت کی جانب سے احساس ایمرجنسی کیش پروگرام کے توسط سے ملک بھر میں کورونا وائرس کی وجہ سے لاک ڈاؤن کے باعث متاثر ہونیوالوں کی مالی مدد کا سلسلہ جاری ہے۔
مزید پڑھیں: احساس پروگرام شفافیت پرمبنی ہے، تمام صوبے اس کا حصہ ہیں، ڈاکٹر ثانیہ نشتر
