گوگل نیوز پر ہمیں فالو کریںپاکستانی اداکارہ زویا ناصر نے رواں ماہ فروری کے آغاز میں اسلام قبول کرنے والے جرمن نژاد یو ٹیوب اسٹار کرسٹین بیٹزمین سے منگنی کر لی ہے۔
تفصیلات کے مطابق کرسٹین بیٹزمین کو عرفِ عام میں کرس بیٹزمین بھی کہا جاتا ہے۔ گزشتہ کچھ عرصے سے میڈیا پر اداکارہ زویا ناصر اور کرس کے مابین تعلقات کی خبریں آتی رہیں تاہم گزشتہ 1 برس سے دونوں کے مابین قربتیں بڑھ چکی تھیں۔
گزشتہ برس 2020ء سے اداکارہ زویا ناصر اور کرس کی ساتھ بنائی ہوئی ویڈیوز اور تصاویر سوشل میڈیا پر بڑی تعداد میں شیئر ہوئیں اور دونوں نے ایک دوسرے کو بہترین دوست بھی قرار دیا جبکہ کرس 1 سال سے زائد عرصے تک پاکستان میں رہے۔
فروری کے آغاز میں کرس نے قبولِ اسلام کا اعلان کیا جس کے بعد سے مداحوں کے سوالات شروع ہو گئے تھے کہ آپ دونوں شادی کب کریں گے جس کا کوئی جواب نہیں دیا گیا۔
گزشتہ روز ہی کرس بیٹزمین اور زویا ناصر نے انسٹا گرام پوسٹس اور یوٹیوب ویڈیوز کے ذریعے منگنی کی تصدیق کردی۔ زویا ناصر نے کہا کہ کرس بیٹزمین نے جب میری زندگی کا ساتھی بننے کی خواہش ظاہر کی تو میں انکار نہ کرسکی۔
View this post on Instagram
دوسری جانب کرس بیٹزمین نے وہی تصویر شیئر کرتے ہوئے منگنی کی تصدیق کی جو زویا ناصر اپنے انسٹا گرام سے شیئر کرچکی تھیں۔ کرس بیٹزمین نے کہا کہ یہ میری زندگی کا بہترین دن ہے۔ زویا ناصر نے مجھے ہاں کہہ دیا۔
View this post on Instagram
یہ بھی پڑھیں: معروف جرمن وی لاگر اور یو ٹیوبر کرسٹن بیٹزمین نے اسلام قبول کر لیا
