گوگل نیوز پر ہمیں فالو کریںعمران خان چیئرمین پی ٹی آئی کے عہدے سے الگ ہو گئے، انٹرا پارٹی انتخابات کے نتائج کے مطابق بیرسٹر گوہر خان پارٹی کے نئے سربراہ بن گئے ہیں۔
تفصیلات کے مطابق انٹر پارٹی انتخابات کے چیف الیکشن کمشنر نے پشاور میں تمام امیدواروں کے بلا مقابلہ انتخاب کا اعلان کردیا۔ بیرسٹر گوہرخان نے عمران خان کی جگہ پی ٹی آئی کی قیادت سنبھال لی۔
[visual-link-preview encoded=”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”]
پارٹی چیئرمین بیرسٹر گوہر کے علاوہ جنرل سیکریٹری کیلئے عمر ایوب، خیبر پختونخوا کی صوبائی صدارت کیلئے علی امین گنڈا پور، بلوچستان کیلئے منیر احمد بلوچ، سندھ کیلئے حلیم عادل شیخ جبکہ پنجاب کی سربراہی کیلئے یاسمین راشد بلا مقابلہ منتخب ہوئیں۔
علی اصغر کو صوبائی جنرل سیکریٹری، تیمور سلیم جھگڑا کو سینئر نائب صدر جبکہ عاطف خان کو پشاور ریجن کا صدر منتخب کرلیا گیا۔ امیدواروں کے بلا مقابلہ انتخاب پر ن لیگ سمیت دیگر سیاسی جماعتوں نے تحفظات کا اظہار کیا ہے۔
خیال رہے کہ اس سے قبل عمران خان نے پی ٹی آئی قیادت کو فوج دشمن عناصر سے دور رہنے کی ہدایت کرتے ہوئے کہا کہ پارٹی کے اندر یا باہر ایسے عناصر کی مذمت کی جانی چاہئے۔
سابق وزیر اعظم عمران خان اڈیالہ جیل میں ہیں جبکہ پی ٹی آئی وکیل اور سینئر نائب صدر پی ٹی آئی شیرافضل مروت کا گزشتہ ماہ کہنا تھا کہ عمران خان ایسے افراد سے لاتعلق رہنے کی ہدایت کرچکے ہیں جو فوج کو ہدف بنائیں۔
شیر افضل مروت نے کہا کہ جو لوگ فوج کے خلاف نفرت پھیلائیں، اسے بدنام کریں یا یہ تاثر دیں کہ پی ٹی آئی فوج کے خلاف ہے، ان سے دور رہا جائے۔ عمران خان فوج کو ملکی سلامتی کیلئے اہم ترین سمجھتے ہیں۔
