گوگل نیوز پر ہمیں فالو کریںاسلام آباد: وزیراعظم عمران خان نے کہا ہے کہ تیل کی قیمتیں مزید بڑھنے کا خدشہ ہے، اُن کا کہنا تھا کہ کورونا کے باعث مہنگائی صرف سردیوں تک ہے۔
وزیراعظم عمران خان نے ان خیالات کا اظہار للہہ جہلم روڈ کیرج وے کے سنگ بنیاد رکھنے کی تقریب سے خطاب کرتے ہوئے کیا۔
وزیر اعظم نے کہا کہ پتہ نہیں اپوزیشن ٹیکنالوجی سے کیوں خوفزدہ ہے، حیران ہوں! اپوزیشن ٹیکنالوجی کا استعمال کیوں نہیں کرتی، اپوزیشن وونٹنگ کے لیے جدید ٹیکنالوجی کے استعمال کی کیوں مخالف ہے۔ موجودہ حکومت نے برے حالات میں ملک کو سنبھالا۔
وزیراعظم عمران خان کا تقریب سے خطاب کرتے ہوئے کہنا تھا کہ آنے والے الیکشن کے بارے میں سوچنے سے ملک ترقی نہیں کرتا، چین کی ترقی کا راز طویل المدتی منصوبہ بندی ہے، دنیا بھر میں ٹیکنالوجی کا استعمال ہو رہا ہے۔
انہوں نے کہا کہ50 سال بعد ملک میں تین بڑے ڈیم بن رہے ہیں، آئندہ دس سال میں مزید دس ڈیم بنائیں گے۔ ہمیں ملک میں لانگ ٹرم پالیسی کی ضرورت ہے۔ موجودہ حکومت نے سب سے زیادہ قرض واپس کیا۔
وزیر اعظم نے کہا کہ موجودہ حکومت نے سب سے زیادہ قرض واپس کیا، آبادی بڑھ رہی ہے ملک کو پانی کی ضرورت ہے۔ بڑھتی ہوئی آبادی کے پیش نظر زرعی پیداوار بڑھانا ہو گی، ملک آگے تب بڑھتاہے جب آنے والی نسلوں کا سوچا جاتا ہے۔
وزیر اعظم نے کہا کہ آنے والے دنوں میں بہت بڑا پیکیج لیکر آ رہے ہیں، حکومت نے مشکل حالات میں مشکل فیصلے کیے۔ میٹرو پر اربوں روپے لگانے سے قوم ترقی نہیں کرتی۔ تیل سمیت باہر سے جو چیزیں لیتے ہیں وہ سب مہنگی ہو گئی ہیں۔، غربت وہاں ہوتی ہے جہاں پیسے چوری کر کے باہر جاتا ہے۔
عمران خان کا کہنا تھا کہ ورلڈ بینک کے مطابق پاکستان میں غربت کم ہوئی ہے، پوری دنیا میں مہنگائی کی لہر ہے، لندن بیٹھا شخص دکھ کا اظہار کرتا ہے کہ پاکستان کے حالات برے ہیں، انشاء اللہ ہم لوگوں کو مہنگائی سے باہر نکالیں گے، کورونا کے باعث مہنگائی صرف سردیوں تک ہے۔
وزیر اعظم کا کہنا تھا کہ سابقہ حکومتوں میں جنگلات ختم کردیے گئے، نیشنل پارکس نہیں بنائے گئے، دنیا نے سابقہ حکومتوں کی تعریف نہیں کی۔ برطانوی وزیر اعظم موسمیاتی تبدیلی کے سمٹ میں پاکستان کی مثال دیتا ہے، جس پر اپوزیشن مزاق اڑا رہی تھی۔
وزیر اعظم نے کہا کہ مسلم لیگ (ن) کے پانچ سالہ دور اقتدار میں سڑکیں تعمیر کرانے کے 2 ہزار ٹینڈرز ہوئے جبکہ ہمارے 3 سالہ دور میں 3 ہزار 238 کلو میٹر کے ٹینڈرز ہوچکے ہیں۔
وزیر اعظم عمران خان نے کہا کہ مسلم لیگ (ن) کے دور میں 645 کلومیٹر جبکہ تحریک انصاف (پی ٹی آئی) کے تین برس میں 1750 کلومیٹر سڑکیں بنائیں گئی۔
مزید پڑھیں: عمران خان کو لانے والوں نے غلطی مان لی، حکومت جانیوالی ہے، آصف زرداری
