اسلام آباد کے علاقے گلبرگ گرین میں نئے قائم کیے گئے ایک پٹرول پمپ پر شہری نے گاڑی کی ٹینکی کی گنجائش سے زیادہ پٹرول ڈالنے کا دعویٰ کرتے ہوئے سوالات اٹھا دئیے۔ شہری کے مطابق گاڑی کی ٹینکی کی گنجائش 50 لیٹر ہے تاہم پٹرول پمپ پر مبینہ طور پر 57 لیٹر پٹرول ڈال دیا گیا۔
شہری کا کہنا ہے کہ پٹرول ڈلوانے سے پہلے گاڑی کی ٹینکی میں تقریباً 15 لیٹر پٹرول پہلے سے موجود تھا۔ اس دعوے کے بعد پٹرول کی پیمائش اور پٹرول پمپس پر نگرانی کے نظام سے متعلق سوالات پیدا ہوگئے ہیں۔
گلبرگ گرین اسلام آباد میں نئے بننے والے پٹرول پمپ (PSO ) نے 50 لٹر والی گاڑی کی ٹینکی میں 57 لٹر پٹرول ڈال دیا ۔شہری کے مطابق اسکی گاڑی میں تقریباً 15 لٹر پٹرول پہلے بھی موجود تھا
جس کا بھی بس چلتا ہے وہ ڈاکے مارتا ہے کوئی روک ٹوک نہیں ، آئے دن اسلام آباد کے پٹرول پمپوں پر یہی… pic.twitter.com/qBJXpFrwR5— ijaz cheema (@chemajournalist) August 9, 2026
شہری نے شکایت کرتے ہوئے کہا کہ اسلام آباد کے مختلف پٹرول پمپس پر اس نوعیت کی شکایات وقتاً فوقتاً سامنے آتی رہتی ہیں تاہم ان کے بقول متعلقہ انتظامیہ کی جانب سے مؤثر کارروائی دکھائی نہیں دیتی۔
متاثرہ شہری نے مطالبہ کیا کہ معاملے کی شفاف تحقیقات کی جائیں اور اگر پٹرول کی مقدار میں کسی قسم کی بے ضابطگی ثابت ہو تو ذمہ داروں کے خلاف قانون کے مطابق کارروائی کی جائے۔
شہری نے وفاقی وزیر داخلہ سے بھی ضلعی انتظامیہ اسلام آباد کی نگرانی اور پٹرول پمپس پر پیمائش کے نظام کا نوٹس لینے کا مطالبہ کیا ہے تاکہ شہریوں کو مبینہ بے ضابطگیوں سے تحفظ فراہم کیا جاسکے۔
گوگل نیوز پر ہمیں فالو کریں








