اپوزیشن لیڈر کی زندگی کو خطرے سے دوچار کرنا شرمناک ہے، مریم نواز

لاہور:پاکستان مسلم لیگ ن کی مرکزی نائب صدر مریم نواز نے شہباز شریف کے کورونا وائرس میں مبتلا ہونے کے بعد اپنے ٹویٹ میں حکومت پر تنقید کرتے ہوئے کہا ہے کہ دیکھو تم لوگوں نے شہبازشریف کے ساتھ کیا کردیا؟ شہباز شریف کا کورونا مثبت ثابت کرتا ہے کہ ان کے تحفظات غلط نہیں تھے۔

پاکستان مسلم لیگ ن کی مرکزی نائب نے شہباز شریف کا کورونا مثبت آنے پر اپنا رد عمل دیتے ہوئے کہا ہے کہ شہباز شریف حکومت کی جانب سے انتقامی کارروائیوں کے بارے میں جانتے ہوئے بھی لندن سے واپس آگئے۔

Look what you did to him!
The fact that he came back from London despite being well aware of the pettiness & vindictiveness establishes that he was not evading accountability in any way. If it were accountabity intended, you wouldn’t have risked his life. Shame! pic.twitter.com/veo8PHjShB

— Maryam Nawaz Sharif (@MaryamNSharif) June 11, 2020

مریم نواز نے اپنے ٹویٹ میں کہا کہ شہبازشریف قطعی طورپر احتساب کے عمل سے بچنے کی کوشش نہیں کررہے، اپوزیشن لیڈر کی زندگی کو خطرے سے دوچار کرنا شرمناک ہے۔انہوں نے کہا کہ حکومت کو اپنے طرز عمل پر شرم آنی چاہئے۔

مریم نواز نے کہا کہ شہبازشریف کی پہلے سے کمزور صحت کو خطرے میں ڈالا گیا ہے، انکی صحت بارے جانتے ہوئے یہ سب کرنے والوں کو ایک دن جواب دینا ہوگا، انہوں نے دعا کی کہ اللہ تعالی شہبازشریف کو صحت کاملہ عطا فرمائے اور وہ جلد سے جلد صحت یاب ہوں۔