بنگلہ دیش کے 35لاکھ بچے پینے کے صاف پانی سے محروم ہیں، یونیسیف

نیویارک:اقوام متحدہ کے ادارے یونیسیف نے اس بات کا انکشاف کیا ہے کہ رواں ماہ آنے والے تباہ کن سیلابوں کے بعد بنگلہ دیش میں ساڑھے 35لاکھ بچے پینے کے صاف پانی سے محروم ہیں اور انہیں پینے کے لیے محفوظ پانی کی اشد ضرورت ہے۔

یونیسیف کے مطابق بنگلہ دیشی بچوں کو پینے کا صاف پانی مہیا کرنے کے لیے 25لاکھ ڈالر کی امدادی رقوم کی فوری ضرورت ہے۔

غیرملکی خبررساں ادارے کا اس حوالے سے کہنا ہے کہ اقوام متحدہ کے بچوں کے امدادی ادارے یونیسیف نے اپیل کی کہ اسے بنگلہ دیش کے ان کئی لاکھوں بچوں کو پینے کا صاف پانی مہیا کرنے کے لیے 25لاکھ ڈالر کی امدادی رقوم کی فوری ضرورت ہے۔

جنوبی ایشیائی ملک بنگلہ دیش اور اس کے ہمسایہ ملک بھارت میں اسی مہینے مون سون کی شدید بارشوں کے بعد وسیع تر علاقوں میں آنے والے سیلابوں نے گزشتہ برسوں کے مقابلے میں اس بار کہیں زیادہ تباہی مچائی۔

مزید پڑھیں:مودی سرکار کی “اگنی پتھ اسکیم” کیا ہے، اس کے اثرات کیا ہوں گے؟

ان سیلابوں کی وجہ سے ان دونوں ممالک میں درجنوں افراد ہلاک اور کئی ملین متاثر ہوئے۔جبکہ اس کے باعث پینے کے صاف پانی کی قلت بھی پیدا ہوئی۔