گوگل نیوز پر ہمیں فالو کریںبرطانیہ کی لگژری بیڈنگ کمپنی پیزونا لیننز (Pizuna Linens) کے ایک سابقہ سروے میں خواتین نے جنسی تعلق کے حوالے سے اپنی پسند اور ناپسند سے متعلق دلچسپ آراء کا اظہار کیا ہے۔
سروے میں خواتین سے پوچھا گیا کہ جنسی تعلق کے اعتبار سے انہیں اپنے پارٹنر کی کون سی عادت سب سے زیادہ ناپسند ہے۔ نتائج کے مطابق 81 فیصد خواتین نے کہا کہ وہ ایسے مردوں کے ساتھ جنسی تعلق قائم کرنا پسند نہیں کرتیں جن کے بستر کی چادر گندی یا میلی کچیلی ہو۔
خواتین کا کہنا تھا کہ بستر کی غیر صاف چادر ان کا موڈ متاثر کر دیتی ہے اور وہ اس بات کو آسانی سے نظرانداز نہیں کر سکتیں۔
سروے کے مطابق 77 فیصد خواتین نے گندے اور غیر صاف بیڈروم کو ناپسندیدہ قرار دیا، جبکہ 58 فیصد نے کہا کہ اگر کمرے میں اشیاء بے ترتیبی سے بکھری ہوں تو یہ بھی ان کے لیے منفی تاثر پیدا کرتا ہے۔
دوسری جانب 91 فیصد خواتین نے کہا کہ وہ ایسے مردوں کو طویل مدتی تعلق کے لیے زیادہ موزوں سمجھتی ہیں جن کا بیڈروم صاف ستھرا ہو، بستر کی چادریں دھلی ہوئی ہوں، کمرے میں دھول مٹی نہ ہو اور تمام اشیاء سلیقے سے رکھی گئی ہوں۔
یہ سروے اس بات کی نشاندہی کرتا ہے کہ ذاتی صفائی، بیڈروم کی ترتیب اور صاف ستھرا ماحول خواتین کے لیے صرف جمالیاتی نہیں بلکہ تعلقات کے حوالے سے بھی اہم عوامل میں شامل ہیں۔
