گوگل نیوز پر ہمیں فالو کریںپاکستان تحریک انصاف کے رکن قومی اسمبلی و معروف ٹی وی اینکر عامر لیاقت حسین کی طوبیٰ انور سے علیحدگی کے بعد تیسری شادی کی تصدیق ہوگئی ہے۔ پی ٹی آئی رہنماء نے خود اپنی تیسری شادی کے حوالے سے پیغام جاری کیا ہے جس کے بعد عوام میں ان کی نئی اہلیہ کے حوالے سے تجسس پایا جارہا ہے کہ دانیہ شاہ کون ہیں۔
تیسری اہلیہ
پی ٹی آئی رہنماء نے اپنے مصدقہ انسٹاگرام اکاؤنٹ سے ایک پیغام میں شادی کی تصویر جاری کرتے ہوئے لکھا کہ گزشتہ شب 18 سالہ سیدہ دانیہ شاہ کے ساتھ نکاح کے بندھن میں بندھ گئے ہیں۔
عامر لیاقت کا کہنا ہے کہ سیدہ دانیہ شاہ جنوبی پنجاب کے علاقہ لودھراں کے نجیب الطرفین سادات گھرانے سے تعلق رکھتی ہیں ۔رکن قومی اسمبلی نے اپنے پیغام میں دعاؤں یاد رکھنے کی درخواست کی ہے۔
طوبیٰ انورسے علیحدگی
عامر لیاقت کی دوسری اہلیہ طوبیٰ نے گزشتہ روز خلع کی تصدیق کی ہے،طوبیٰ کا کہنا تھاکہ 14 ماہ کے دوران رشتے میں پڑی دراڑیں ختم ہونے کا کوئی امکان نظر نہیں آیا جس کی وجہ سے انہوں نے خلع لینے کا فیصلہ کیا۔
طوبیٰ کا کہنا ہے کہ وہ یہ بتا نہیں سکتیں کہ یہ کتنا مشکل وقت ہے لیکن انہیں اللہ پر پورا بھروسہ ہے۔ میں سب لوگوں سے اپیل کروں گی کہ اس مشکل گھڑی میں میرے فیصلے کا احترام کیا جائے۔
