میسجنگ کی سب سے بڑی سروس، واٹس ایپ کی جانب سے آئے دن نئے فیچر پیش کئے جارہے ہیں جن میں سے ایک تازہ تبدیلی میسج ڈیلیٹ کرنے کا دورانیہ ہے جسے بہت جلد بڑھا دیا جائے گا۔

واٹس ایپ کی خبر دینےوالی مشہور ویب سائٹ واٹس ایب بِیٹا انفو کے مطابق اگرچہ اس وقت کچھ افراد ہی اس فیچر کو استعمال کررہے ہیں تاہم جلد ہی یہ دنیا بھر کے لیے عام دستیاب ہوگی۔

یہ بھی پڑھیں:

اگرچہ اس فیچر کی بہت تفصیلات سامنے نہیں آسکی ہیں لیکن بعض تجزیہ کاروں کے مطابق آپ اپنا بھیجا ہوا پیغام 12 گھنٹے سے لے کر دو دن بعد ڈیلیٹ کرسکیں گے۔ دوسری جانب واٹس ایپ کی مرکزی ’میٹا‘ کمپنی نے بھی اس ضمن میں کوئی خاص معلومات نہیں دی ہیں لیکن ڈبلیو اے بیٹا انفو کی خبریں کئی مرتبہ درست ثابت ہوئی ہیں۔

اس کے علاوہ ٹیکنالوجی اور ویب کی خبر دینے والی دیگر کئی ویب سائٹس نے بھی اس کی تصدیق کی ہے۔