گوگل نیوز پر ہمیں فالو کریںجنیوا: اقوامِ متحدہ نے افغان عوام کی امداد کیلئے منصوبے پر کام کا آغاز کردیا، سیکریٹری جنرل انتونیو گوتریس کا کہنا ہے کہ اقوامِ متحدہ افغانستان کے لوگوں کیلئے کام جاری رکھے گا۔
سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے سیکریٹری جنرل انتونیو گوتریس نے کہا کہ اقوامِ متحدہ افغانستان کے عوام کی امداد کیلئے اپنا کام جاری رکھے ہوئے ہے۔
روس نے یوکرین کے سر پر بندوق تان رکھی ہے، بورس جانسن
ٹوئٹر پیغام میں اقوامِ متحدہ کے سیکریٹری جنرل نے مزید کہا کہ آج ہم نے مشکلات سے دوچار افغان عوام کی امداد کیلئے کام کو تیز کرنے اور وسعت دینے کیلئے اپنے پلان کا آغاز کیا ہے۔
The @UN continues working for the people of Afghanistan.
Today we launched our plan to extend and accelerate support to the Afghan people through this critical period.
— António Guterres (@antonioguterres) January 27, 2022
خیال رہے کہ اس سے قبل اقوامِ متحدہ کے مہاجرین کی دیکھ بھال سے وابستہ ادارے نے افغانستان میں لاکھوں بے گھر ہونے والے افراد کی مدد کیلئے عالمی برادری سے 2 کروڑ 40 لاکھ ڈالر امداد طلب کی۔
گزشتہ برس اگست کے دوران اقوامِ متحدہ کے ادارۂ مہاجرین کا کہنا تھا کہ ہم نے اپنا کام تیز کردیا ہے تاکہ انسان دوستی کے جذبے کے تحت انتہائی ضروری امداد مہیا کرکے زندگیاں بچائی جائیں۔
اقوامِ متحدہ کے ادارے آئی او ایم مشن کے سربراہ اسٹورٹ سمپسن کا اگست 2021 میں کہنا تھا کہ ہماری ترجیحات میں افغانستان میں بے گھر ہونے والے عوام کو سرحدی علاقوں میں پناہ دینا شامل ہے۔
