گوگل نیوز پر ہمیں فالو کریںبڑھتی ہوئی فضائی آلودگی کے پیشِ نظر اقوامِ متحدہ نے رکن ممالک سمیت عالمی برادری کے تمام ملکوں کو کوئلے پر سرمایہ کاری نہ کرنے کا مشورہ دے دیا ہے۔
سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ آج کسی ملک کے پاس کوئلے کو اپنے کورونا وائرس ریکوری پلانز میں شامل کرنے کیلئے کوئی اہم وجہ نہیں ہے۔
اقوامِ متحدہ کے جنرل سیکریٹری انتونیو گوتریس نے کہا کہ یہ وہ وقت ہے جب ہمیں توانائی کے ایسے ذرائع پر سرمایہ کاری کرنی چاہئے جو آلودگی پیدا نہ کرتے ہوں۔
جنرل سیکریٹری انتونیو گوتریس نے کہا کہ توانائی کے حصول کیلئے کی جانے والی سرمایہ کاری سے اچھی ملازمتیں پیدا ہونی چاہئیں اور پیسے کی بچت بھی ضروری ہے۔
There is no good reason for any country to include coal in their #COVID19 recovery plans.
This is the time to invest in energy sources that don’t pollute, generate decent jobs and save money.
— António Guterres (@antonioguterres) June 29, 2020
یاد رہے کہ اس سے قبل اقوامِ متحدہ نے کہا کہ کورونا وائرس دنیا بھر میں معاشرے کے پسماندہ طبقات کیلئے زیادہ مشکلات پیدا کر رہا ہے۔
ٹوئٹر پر گزشتہ ہفتے اپنے پیغام میں سیکریٹری جنرل اقوامِ متحدہ نے کہا کہ کورونا وائرس معاشرے کے پسماندہ طبقات کو زیادہ متاثر کر رہا ہے جن میں ہم جنس پرست اور خواجہ سرا بھی شامل ہیں۔
مزید پڑھیں: کورونا پسماندہ طبقات کیلئے زیادہ مشکلات کا باعث ہے۔اقوامِ متحدہ
