اقوامِ متحدہ نے کہا ہے کہ کورونا وائرس دنیا بھر میں معاشرے کے پسماندہ طبقات کیلئے زیادہ مشکلات پیدا کر رہا ہے۔
سماجی رابطے کی ویب سائٹ ٹوئٹر پر اپنے پیغام میں سیکریٹری جنرل اقوامِ متحدہ نے کہا کہ کورونا وائرس معاشرے کے پسماندہ طبقات کو زیادہ متاثر کر رہا ہے جن میں ہم جنس پرست اور خواجہ سرا بھی شامل ہیں۔
پیغام میں اقوامِ متحدہ کے جنرل سیکریٹری انتونیو گوتریس نے کہا کہ معاشرے میں ایسے طبقات کو عام طور پر تضحیک اور امتیاز کا نشانہ بنایا جاتا ہے کیونکہ انہیں معاشرے پر بدنما داغ سمجھا جاتا ہے۔
جنرل سیکریٹری انتونیو گوتریس نے کہا کہ رواں ماہ کے دوران اور سال بھر ہم سب کو یہ بات سمجھنا ہوگی کہ ایسے پسماندہ طبقات بھی بنیادی انسانی حقوق سے لطف اندوز ہوسکتے ہیں۔
انتوینو گوتریس نے کہا کہ معاشرے میں علاج معالجے کی سہولیات تک رسائی، جبر و تشدد اور ظلم و ستم سے نجات پسماندہ طبقات سمیت معاشرے کے ہر فرد کا حق ہے۔
#COVID19 is exacerbating difficulties for #LGBTI people, including discrimination & stigma.
This #PrideMonth & all year round, we must ensure LGBTI people can fully enjoy their human rights, including access to health care services & are protected from violence and persecution.
— António Guterres (@antonioguterres) June 22, 2020
یاد رہے کہ اس سے قبل کورونا وائرس سے دنیا بھر میں90لاکھ 46 ہزار افراد متاثر جبکہ 4لاکھ 70ہزار سے زائد ہلاک ہو گئے۔
دنیا کے 190 سے زائد ممالک میں کورونا وائرس سے مجموعی طور پر90 لاکھ 46 ہزار 80افراد متاثر ہوئے جبکہ متاثرہ کیسز میں سے 9 فیصد (4لاکھ70ہزار703) افراد ہلاک ہوئے۔
مزید پڑھیں: کورونا سے 90 لاکھ 46 ہزار افراد متاثر، 4 لاکھ 70 ہزار ہلاک