گوگل نیوز پر ہمیں فالو کریںاسلام آباد: وزیراعظم کے معاون خصوصی برائے احتساب شہزاد اکبر کاکہنا ہے کہ ملک ریاض کے اہل خانہ اور برطانوی حکومت کے درمیان ہونے والے تصفیے سے ملنے والے 19 کروڑ پاؤنڈکی رقم وفاقی حکومت سماجی بہبود کے لیے استعمال کرے گی۔
سماجی روابط کی ویب سائٹ ٹوئٹر پر اپنےپیغام میں شہزاد اکبرکاکہنا تھا کہ این سی اے اورملک ریاض فیملی کے درمیان معاہدہ کے تحت 19کروڑ پاؤنڈ کی رقم پاکستان کوموصول ہوگئی ہے ، رقم اسٹیٹ بینک آف پاکستان میں ٹرانسفر کردی گئی ہے، یہ رقم سپریم کورٹ آف پاکستان کے اکاؤنٹ میں جمع ہوگی۔
Settlement Agreement also entails selling 1 Hyde Park & transferring its proceeds to State of Pakistan. Money is transferred into SCP NBP account.Federal Govt has made an application to SCP for release of this money to the Fed Govt for spending it on social welfare n for poor
— Mirza Shahzad Akbar (@ShazadAkbar) December 6, 2019
شہزاد اکبر کاکہناتھا کہ حکومت پاکستان نے اس معاملے پر اس سے مزید آگے نہ جانے کے لیے ایک رازداری کے معاہدے پر دستخط کیے ہیں ، انہوں نے یہ بھی کہا کہ حکومت اس وقت ایسے مزید معاملات میں دیگر حکومتوں کے ساتھ رابطے میں ہے اور لاکھوں ڈالرز مالیت کی مزید وصولی کا امکان ہے۔
GOP has signed a confidentiality agreement to not divulge beyond this on the matter. GOP has numerous ongoing similar matters with foreign Govts including UK n expecting recovering hundreds of millions dollars therefore cannot afford violating its commitment of confidentiality.
— Mirza Shahzad Akbar (@ShazadAkbar) December 6, 2019
انہوں نے مزید بتایاکہ این سی اے نے ملک ریاض فیملی کے9 جائیدادیں ضبط کیں تھیں جس کے بعد این سی اے کے درمیان معاہدہ ہوا، این سی اے نے 190 ملین پاؤنڈ کے معاہدے تحت ملک ریاض کی جائیدادوں پرعائد پابندی ہٹائیں، معاہدے کے مطابق ملک ریاض نے ہائیڈ پارک بیچی اور رقم پاکستان منتقل کی گئی۔
واضح رہے کہ گزشتہ روز وزیراعظم کے معاون خصوصی برائے احتساب شہزاد اکبر کا کہنا تھا کہ شہباز شریف کے اثاثوں میں 10 سال کے دوران 70 گنا اضافہ ہواجبکہ سلمان شہباز کے اثاثوں میں آٹھ ہزار گنا اضافہ ہوا، شہبازشریف کی کرپشن دھیلے کی نہیں،اربوں کی ہے۔
مزید پڑھیں:شہباز شریف کے اثاثوں میں 10 سال کے دوران 70 گنا اضافہ ہوا، شہزاد اکبر
