گوگل نیوز پر ہمیں فالو کریںاستنبول: آذر بائیجان اور آرمینیا کے درمیان تصادم کے معاملے پر ترک صدر نے آذر بائیجان کو ہر ممکن مدد فراہم کرنے کا اعلان کیا ہے۔
تفصیلات کے مطابق ترکی کے صدر رجب طیب اردوان نے آذر بائیجان کے ہم منصب الہام علی یوف کو فون کیا اور ترک عوام اور اپنی طرف سے مکمل تعاون اور مدد کی یقین دہانی کرائی۔
آذر بائیجان کے صدر الہام علی یوف سے ٹیلیفونک گفتگو کے دوران رجب طیب اردوان نے کہا کہ آذر بائیجان اور ترکی دو الگ الگ ریاستیں ضرور ہیں لیکن ہم ایک قوم ہیں کیونکہ ترکی اپنے بھائیوں کے ساتھ ہے۔ آذر بائیجان کی ہر ممکن مدد کریں گے۔
صدر ایردوان کا آذربائیجان کو ہر ممکن مدد فراہم کرنے کا اعلان
صدر طیب ایردوان کا آذربائیجان کے صدر الہام علی یوف کو فون
ترک عوام اور اپنی طرف سے مکمل تعاون اور مدد کی یقین دہانی کرائی
آذربائیجان اور ترکی دو الگ الگ ریاستیں لیکن ایک قوم ہیں۔
ترکی اپنے بھائیوں کے ساتھ ہے pic.twitter.com/hpVqfXnOzm— ترکیہ اردو (@TurkiyeUrdu_) September 28, 2020
یاد رہے کہ اِس سے قبل اسلامی دُنیا کے سیکولر ترین ملک آذر بائیجان اور آرمینیا کے درمیان متنازعہ علاقے میں تصادم ہوا جس کے دوران 1 ہیلی کاپٹر کو تباہ کردیا گیا۔
آرمینیا اور آذر بائیجان کے درمیان ناگورنو کار باخ نامی علاقہ متنازعہ ہے جس پر پہلے بھی متعدد جھڑپیں اور محدود پیمانے کی جنگیں ہوئیں تاہم گزشتہ روز تصادم کے دوران آرمینیا نے آذر بائیجان کا ایک ہیلی کاپٹر مار گرانے کا دعویٰ کیا۔
مزید پڑھیں: آذر بائیجان اور آرمینیا کے درمیان تصادم، 1 ہیلی کاپٹر تباہ
