امپورٹڈ حکومت کے خاتمے کی کال آنے والی ہے، تیار رہو، فواد چوہدری

لاہور: پاکستان تحریک انصاف کے رہنما ء اور سابق وزیر اطلاعات فواد چوہدری نے کہا ہے کہ امپورٹڈ حکومت کے خاتمے کی کال آنے والی ہے، تیار رہو۔

فواد چوہدری نے سماجی رابطے کی ویب سائٹ پر ٹوئٹ کرتے ہوئے لکھا کہ پاکستان کا ہر شہر تحریر سکوائر بنے گا، اس امپورٹڈ حکومت کے خاتمے کی کال آنے والی ہے، تیار رہو۔ کارکن عمران خان کے اعلان کا انتظار کریں۔

پشاور اور کراچی نے بتا دیا ہے کہ ملک نرم انقلاب کیلئے تیار ہے، انشاللہ پاکستان کا ہر شہر تحریر اسکوائر بنے گا، اس امپورٹڈ حکومت کے خاتمے کی کال آنے والی ہے تیار رہو اور عمران خان کے اعلان کا انتظار کرو۔ #امپورٹڈ_حکومت_نامنطور

— Ch Fawad Hussain (@fawadchaudhry) April 17, 2022

سابق وزیر اطلاعات کا مزید کہنا تھا کہ گزشتہ روز بھی کہا تھا اب ناراض ہجوم کو قابو رکھنا عمران خان کے کنٹرول میں نہیں رہے گا۔

مزید پڑھیں: سابق مشیرِ احتساب شہزاد اکبر اسلام آباد سے دبئی چلے گئے

واضح رہے کہ پاکستان تحریک انصاف کے چیئرمین عمران خان نے ہفتے کے روز کراچی میں عوامی پاور شو سے خطاب کیا تھا، جس بڑی تعداد میں عوام نے شرکت کی تھی۔