گوگل نیوز پر ہمیں فالو کریںاسلام آباد: ملک بھر میں مہنگائی میں ہوش ربا اضافے کا سلسلہ جاری ہے، ایک ہفتے میں مہنگائی کی شرح میں 1.80 فیصد کا بڑا اضافہ دیکھا گیا۔
ادارہ شماریات نے ملک میں ہفتہ وار مہنگائی کے اعداد و شمار جاری کردیے ہیں جس کے مطابق ملک میں مہنگائی کی مجموعی شرح 46.65 فیصد ہوگئی ہے۔
ایک ہفتے میں 26 اشیائے ضروریہ کی قیمتوں میں اضافہ ریکارڈ کیا گیا، ٹماٹر 41 روپے 85 پیسے فی کلو مزید مہنگا ہو کر سنچری مکمل کر گیا جبکہ آٹے کا تھیلا 769 روپے 12 پیسے مزید مہنگا ہوا اور ملک میں آٹے کا تھیلا اوسطاً 2586 روپے 37 پیسے تک پہنچ گیا ہے۔
بلوچستان حکومت کا مستحق خاندانوں کو رمضان میں مفت راشن دینے کا فیصلہ
کیلے 21 روپے 57 پیسے فی درجن اور چائے کا پیکٹ 34 روپے 37 پیسے مہنگا ہوا جبکہ مٹن 13 روپے 78 پیسے اور دال ماش ساڑھے 6 روپے فی کلو مہنگی ہوئی، اس کے علاوہ بیف 6 روپے 31 پیسے فی کلو، اڑھائی کلو والا گھی کا ڈبہ 8 روپے 84 پیسے مہنگا ہوا، چینی، دہی، دودھ، چاول بھی مہنگے ہوئے۔
ایک ہفتے کے دوران 12 اشیائے ضروریہ کی قیمتوں میں کمی ہوئی، چکن 32 روپے 85 پیسے فی کلو، سرخ مرچ کا پیکٹ 5 روپے سستا ہوا، لہسن 4 روپے 59 پیسے اور دال چنا 2 روپے 70 پیسے فی کلو سستی ہوئی۔ اس کے علاوہ دال مونگ، دال مسور، انڈے اور پیاز بھی سستے ہوئے جبکہ ایک ہفتے میں 13 اشیائے ضروریہ کی قیمتوں میں کوئی ردوبدل نہیں ہوا۔
