گوگل نیوز پر ہمیں فالو کریںآسٹریلیا کے جنگلوں میں خوفناک آتشزدگی سے متاثر ہونے والے افراد کی مدد کرنے کے لیے لیجنڈری سابق آسٹریلین باؤلر شین وارن نے اپنی کیپ نیلام پر لگا دی ہے۔
سماجی رابطے کی ویب سائٹ ٹوئٹر پر پاکستان کے مایہ ناز سابق فاسٹ باؤلر شعیب اختر نے شین وارن کی کیپ نیلام کرنے کی خبر پر تبصرہ کرتے ہوئے عوام سے درخواست کی کہ نیک مقصد میں آسٹریلوی باؤلر کے ساتھ تعاون کریں۔
راولپنڈی ایکسپریس کہلانے والے شعیب اختر نے ٹوئٹر پیغام میں کہا کہ شین وارن اپنی سبز کیپ نیلام کے لیے پیش کر رہے ہیں جس سے حاصل ہونے والی رقم متاثرینِ آتشزدگی کی مدد کے لیے استعمال کی جائے گی۔
Please support the cause. Warnie auctioning his baggy green for fundraising. This is for the people who are affected by bushfires. #AustralianBushfire https://t.co/UpGOZXmH1P
— Shoaib Akhtar (@shoaib100mph) January 6, 2020
آسٹریلیا کے سابق باؤلر اور مایہ ناز لیجنڈری کرکٹر شین وارن نے ٹوئٹر پیغام میں کہا کہ آسٹریلیا میں ہونے والی خوفناک آتشزدگی نے ہم سب کو بے یقینی میں مبتلا کردیا ہے۔ بڑھتی ہوئی آتشزدگی کے باعث لوگوں کا ناقابلِ تلافی نقصان ہوا۔
لیجنڈری سابق آسٹریلوی کرکٹر شین وارن نے کہا کہ ہم سب آسٹریلیا میں ہونے والی آتشزدگی کے باعث جذباتی طور پر بری طرح متاثر ہوئے ہیں۔ لوگوں کی جانیں گئیں، گھر تباہ ہو گئے جبکہ 50 کروڑ جانور بھی جھلس کر ہلاک ہو گئے۔
شین وارن نے کہا کہ ہم چاہتے ہیں کہ متاثرین کی مدد کے لیے کوئی قابلِ عمل طریقہ ڈھونڈا جائے۔ ہم روزانہ کی بنیاد پر متاثرین کی مدد کرنا چاہتے ہیں۔ میں اپنی سبز کیپ نیلام کے لیے پیش کرتا ہوں جو میں نے اپنے ٹیسٹ کیریر میں پہنی۔
انہوں نے کہا کہ میں امید کرتا ہوں کہ میری سبز کیپ عوام کی مدد کے لیے قابلِ قدر رقم جمع کرنے میں کامیاب ہوگی۔ براہِ کرم سخاوت کا مظاہرہ کرتے ہوئے مجھے اس قابل کیجئے کہ میں متاثرینِ آتشزدگی کو کوئی بڑی رقم دے سکوں۔
