گوگل نیوز پر ہمیں فالو کریںریاض :سعودی عرب کی تیل کی سب سے بڑی کمپنی آرامکو کے حصص کی سعودی اسٹاک مارکیٹ (تداول)کے ذریعے ابتدائی فروخت کے لیے اداروں کی جانب سے بھرپور دلچسپی کا اظہار کیا گیا ہے۔
آرامکوکمپنی کو اداروں کے لیے مختص حصص کی مد میں 73 ارب ریال (19.47ارب ڈالر)رقم وصول ہوئی ہے۔اس طرح اس مد میں حصص کی رقم پوری ہوگئی ہے۔
بنک ذرائع نے عرب ٹی وی کو بتایاکہ پرچون حصص کی مد میں دس ریال وصول ہوئے ۔ ایک بنکار کے مطابق 20 نومبر تک اداروں کا حصہ مکمل ہوچکا ہے۔ادارہ جاتی سرمایہ کاروں کے لیے چار دسمبر کی تاریخ مقرر کی گئی ہے جبکہ چھوٹے سرمایہ کار28 نومبر تک حصص کے لیے درخواست دے سکتے ہیں۔
یہ بھی پڑھیں: سعودی آرامکو 0.5 فی صد حصص چھوٹے سرمایہ کاروں کو فروخت کے لیے پیش کرے گی
