گوگل نیوز پر ہمیں فالو کریںمظفر آباد: گلگت بلتستان ، بلوچستان اور آزاد کشمیر کے برفباری اور لینڈ سلائیڈنگ سے متاثرہ علاقوں میں پاک فوج کا ریسکیو آپریشن جاری ہے۔
گلگت بلتستان ، بلوچستان اور آزاد کشمیر کے برفباری اور لینڈ سلائیڈنگ سے متاثرہ علاقوں میں ایف ڈبلیو او اور سول انتظامیہ سمیت فوجی دستوں کا مشترکہ آپریشن جاری ہے۔
پاک فوج کے ہیلی کاپٹرز کے ذریعے متاثرین میں خیمے ، گرم کپڑے ، کمبل ، راشن، پکا ہوا کھانااور دوائیں تقسیم کی جارہی ہیں ، گزشتہ 36 گھنٹوں کے دوران پاک فوج کی مدد سے کئی شاہراہوں کو بحال کردیا گیا ہے۔
جن شاہراہوں کو برف ہٹا کر مختلف مقامات سے کھولاگیا ہے ان میں شاہراہ قراقرم ہائی وے، جگلوٹ اسکردو روڈ پر پٹن، ٹہ بندہ ، شوٹیال ، تتہ پانی ، ہنزہ ، سوست ، مورخون ، خنجراب اور ڈموبداس شامل ہیں۔
بلوچستان میں ، خان مہترزئی اور لیکپاس ٹنل میں این 50 اور این 25 کے کچھ حصے بھی صاف کر دیئے گئے ہیں۔ ایف ڈبلیو او ٹیمیں ٹریفک کی آسانی اور بغیر کسی روک تھام کے عمل کو یقینی بنانے کے لئےاقدامات کررہی ہیںجبکہ متاثرہ خاندانوں میں امدادی سامان بھی تقسیم کیا جارہا ہے۔
مزید پڑھیں: طوفانی بارش اور شدید برفباری، ملک بھر میں جاں بحق افراد کی تعداد 100 سے تجاوز کر گئی
