گوگل نیوز پر ہمیں فالو کریںپاکستانی گلوکارراحت فتح علی خان نے بھارتی پنجاب سے تعلق رکھنے والے گلوکار سدھو موسے والا کو ان کی پہلی برسی پر خراج عقیدت پیش کیا ہے۔
راحت فتح علی خان نے ایک کنسرٹ کے دوران اپنی قوالی کی پرفارمنس مقتول موسیقار کے نام کی۔
View this post on Instagram
واضح رہے کہ گلوکار اور اپوزیشن جماعت کانگریس کے رہنما سدھو موسے والا 29 مئی کو قتل کردیے گئے تھے۔ نامعلوم افراد نے بھارتی پنجاب کے ضلع مانسا میں سدھو کی گاڑی پرفائرنگ کرکے انہیں نشانہ بنایا تھا۔
گلوکار کے قتل کا واقعہ پنجاب حکومت کی جانب سے سدھو سمیت 424 افراد کی سیکیورٹی واپس لینے کے ایک دن بعد پیش آیا تھا جو بھگونت مان حکومت کی جانب سے وی آئی پی کلچر کے خلاف کریک ڈاؤن کے طورپر واپس لی گئی تھی۔
موسے والا کے والد بلکور سنگھ نے پنجاب میں عام آدمی پارٹی کی قیادت والی حکومت پر ان کے بیٹے کو انصاف دلانے میں ناکام رہنے کا الزام لگایا ہے۔
