گوگل نیوز پر ہمیں فالو کریںکراچی پولیس نے ملک کے تاریخی نیشنل اسٹیڈیم میں پاکستان سپر لیگ (پی ایس ایل) دسویں سیزن کے میچزکے موقع پر ٹریفک پلان جاری کردیا ہے۔
تفصیلات کے مطابق شہرِ قائد میں پی ایس ایل کے میچز 12، 15، 18، 20 اور 21 اپریل کوکھیلےجائیں گے۔ ٹریفک پولیس کے مطابق میچز کے دنوں میں سرشاہ سلیمان روڈ کی دونوں اطراف کے سڑکیں ٹریفک کی آمدورفت کیلئے کھلی رہیں گی۔
شائقین کرکٹ کیلئے پارکنگ
ٹریفک پلان کے مطابق کارساز سے آنے والے حبیب ابراہیم رحمت اللہ روڈ ، اسٹیڈیم فلائی اوور کے نیچے سے ہوتے ہوئے سر شاہ سلیمان روڈ پر نیشنل کوچنگ سینٹر اور چائنا گراؤنڈ میں اپنی گاڑی پارک کرسکیں گے۔
ملینیم مال:
پلان کے مطابق سے ملینیم سے آنے والے اسٹیدیم روڈ(پیر صبغت اللہ شاہ راشدی روڈ) سے ہوتے ہوئے، اسٹیڈیم فلائی اوور کے نیچے سے دائیں جانب سر شاہ سلیمان روڈ پر نیشنل کوچنگ سینٹر، چائن گراؤنڈ میں گاڑیاں پارک کرسکیں گے۔
نیوٹاؤن:
ٹریفک پلان کے مطابق نیوٹاؤن سے آنے والے اسٹیدیم روڈ سے ہوتے ہوئے، آغا خان ہاسپٹل کے بعد بائیں جانب سر شاہ سلیمان روڈ پر نیشنل کوچنگ سینٹر، چائنا گراؤنڈ میں اپنی گاڑی پارک کرسکیں گے۔
ہیوی ٹریفک:
ٹریفک پولیس کے مطابق ہیوی ٹریفک سہراب گوٹھ سے نیپا، لیاقت آباد نمبر10 سے حسن اسکوائر جاسکےگی، پی پی چورنگی سے آنے والی ہیوی ٹریفک یونیورسٹی روڈ جاسکےگی۔ ٹریفک پلان کے مطابق کارساز سے اسٹیڈیم، ملینیم تا نیوٹاؤن، اسٹیڈیم سگنل تا حسن اسکوائرسڑک ہیوی ٹریفک کے لیے بند ہوگی۔
ٹریفک پلان کے مطابق گاڑیاں مختص پارکنگ مقامات پر ہی پارک کی جائیں گی۔ ٹریفک پولیس کی جانب سے جاری بیان میں کہا گیا ہے کہ عوام سے گذارش ہے کہ وہ قانون نافذ کرنے والے اداروں اور ٹریفک پولیس سے تعاون کریں اور کسی بھی پریشانی کی صورت میں رہنمائی کےلیے ٹریفک پولیس 1915 پر رابطہ کریں۔
