گوگل نیوز پر ہمیں فالو کریںکراچی میں سزا یافتہ قیدی جعلی شادی کارڈ کا استعمال کرتے ہوئے محکمۂ داخلہ سندھ کو بے وقوف بنا کر آزاد ہوگیا ہے۔
تفصیلات کے مطابق سنٹرل جیل کراچی میں توصیف نامی 25 سال کی عمر قید کی سزا کاٹنے والے قیدی نے بہن کی شادی کا بہانہ بنایا اور بے بنیاد پے رول پر رہائی حاصل کی۔
شادی کارڈ پر درج بینکوئٹ میں حمزہ نامی دولہا کا ولیمہ ہو رہا تھا جس سے ثابت ہوا کہ شادی کارڈ محکمۂ داخلہ کو گمراہ کرنے کیلئے شائع کرائے گئے تھے۔ شادی کارڈ میں ولیمے والے مقام پر نکاح کا ذکر کیا گیا تھا۔
رہا ہونے کے بعد ملزم توصیف 1 بجے گلشنِ اقبال کراچی میں واقع اپنے گھر پہنچا تھا جس کے خلاف کراچی کے عزیز بھٹی تھانے میں قتل کا مقدمہ درج ہے۔
قیدی کے گھر کے باہر سنٹرل جیل اور مقامی تھانے کی پولیس موجود ہے تاہم قیدی کی گرفتاری تاحال دوبارہ عمل میں نہیں لائی جاسکی۔
مزید پڑھیں: دفعہ 144 نافذ، کراچی پولیس نے کچرا پھینکنے پر رکشہ ڈرائیور کو گرفتار کرلیا
