اسلام آباد: معاونِ خصوصی اطلاعات فردوس عاشق اعوان نے کہا ہے کہ وزیر اعظم عمران خان عام آدمی کے ساتھی ہیں اور ان کا نصب العین اسے ترقی کرتے ہوئے دیکھنا ہے۔
سماجی رابطے کی ویب سائٹ ٹوئٹر پر اپنے پیغام میں فردوس عاشق اعوان نے کہا کہ صحت انصاف کارڈ اور احساس پروگرام وزیر اعظم کی بصیرت کا مظہر ہیں۔
یہ بھی پڑھیں: وزیر اعلیٰ سندھ مراد علی شاہ کی گلستانِ جوہر کراچی میں شہید میجر عدیل شاہد کے گھر آمد
فردوس عاشق اعوان نے کہا کہ وزیر اعظم عمران خان محروم، غریب اور بے کس طبقے کا ہاتھ تھامنا چاہتے ہیں اور اسے سماجی و معاشی خوشحالی کی راہ پر گامزن ہوتے دیکھنا چاہتے ہیں۔عام آدمی کا معیارِ زندگی بلند ہوتے دیکھنا وزیر اعظم کا خواب ہے۔
“صحت انصاف کارڈ اور احساس پروگرام ” وزیراعظم عمران خان کی محروموں،غریبوں اور بے کسوں کا ہاتھ تھامنے اور انہیں سماجی و معاشی خوشحالی کی راہ پر گامزن کرنے کا عملی اظہار ہیں۔عمران خان عام آدمی کے ساتھی ہیں، اس کا معیار زندگی بلند دیکھنا ان کا نصب العین ہے۔
— Firdous Ashiq Awan (@Dr_FirdousPTI) September 22, 2019
معاونِ خصوصی اطلاعات نے کہا کہ صحت کارڈ اور احساس پروگرام غریب اور نادار افراد کے تحفظ کے لیے بنیادی سنگ میل ثابت ہوں گے۔ بیماری سے بڑی کوئی بے بسی نہیں ہوتی۔
انہوں نے کہا کہ صحت کارڈ سے ان غریبوں اور ضرورت مند افراد کا علاج ممکن ہو رہا ہے جو اپنے مالی حالات کی وجہ سے ہسپتالوں کا رُخ نہیں کرسکتے۔
یہ دونوں پروگرام غریب اور نادار افراد کے تحفظ کے لیے سنگ میل ثابت ہوں گے۔بیماری سے بڑھ کر کوئی بےبسی نہیں ہوتی،صحت کارڈ سے ان غریبوں اور ناداروں کا علاج ممکن ہورہا ہے جو اپنے مالی حالات کے پیش نظر ہسپتالوں کا رخ نہیں کر پاتے۔
— Firdous Ashiq Awan (@Dr_FirdousPTI) September 22, 2019
یاد رہے کہ اس سے قبل وزیر اعظم پاکستان عمران خان سعودی عرب کے دو روزہ کامیاب دورے کے بعدخصوصی ائیر لائن پرواز کے ذریعے امریکا پہنچے جہاں وہ مسئلہ کشمیر کے حوالے سے امریکی صدر ڈونلڈ ٹرمپ سے ملاقات کریں گے۔
سات روزہ دورۂ امریکا کے دوران وزیر اعظم عمران خان بین الاقوامی سربراہانِ مملکت سے اہم ملاقاتیں کریں گے جبکہ اس دورے کا بنیادی مقصد مقبوضہ جموں و کشمیر کی موجودہ صورتحال کو پوری دنیا پر واضح کرنا ہے۔
مزید پڑھیں: وزیر اعظم عمران خان امریکا پہنچ گئے, صدر ٹرمپ سمیت عالمی رہنماؤں سے ملاقاتیں متوقع