گوگل نیوز پر ہمیں فالو کریںاسلام آباد : وفاقی کابینہ نے 6آرڈیننس جاری کر نے کی منظوری دیدی ہے جبکہ وزیر اعظم عمران خان نے واضح کیا ہے کہ اسپتالوں میں اصلاحات سے کسی صورت پیچھے نہیں ہٹیں گے ۔
وفاقی کابینہ کااجلاس وزیر اعظم عمران خان کی زیر صدارت ہوا کابینہ نے 6 آرڈیننس جاری کرنے کی منظوری دی،جس میں قومی احتساب بیورو (نیب) قوانین میں ترمیم اور خواتین بل شامل ہیں۔ اجلاس میں سستے گھروں کیلئے 5 ارب روپے کی منظوری بھی دی گئی۔
اجلاس میں پنجاب اور خیبر پختونخوا میں ڈاکٹرز کی ہڑتال کا تذکرہ بھی ہوا جس پر وزیر اعظم عمران خان نے واضح کیا کہ اسپتالوں میں اصلاحات سے کسی صورت پیچھے نہیں ہٹیں گے۔
کابینہ نے نیب ترمیم آرڈیننس کی بھی منظوری دی، نیب آرڈیننس میں ترمیم کے تحت 50 ملین سے زیادہ کی کرپشن کے ملزم کو تفتیش کیلئے سی کلاس میں رکھا جائے گا،خواتین کو وارثت میں حق کے حوالے سے متعقلہ قانون میں ترمیم کی بھی منظوری دی گئی جبکہ بینامی ٹرانزاکیشن ایکٹ 2017 میں بھی ترمیم کی منظوری دے دی گئی۔
یہ بھی پڑھیں: حکومت کا نیب آرڈیننس اوربے نامی ٹرانزیکشن ایکٹ میں ترمیم کافیصلہ
