آسکر ایوارڈ یافتہ فلم پیراسائٹ میں کردار نبھانے والے اداکار لی سن کیون انتقال کر گئے ہیں جنہیں آخری بار جنوبی کوریا میں دیکھا گیا۔ان کی عمر 48سال تھی۔
تفصیلات کے مطابق 48سالہ لی سن کیون آسکر ایوارڈ یافتہ فلم میں اپنی جاندار اداکاری اور ڈائیلاگ ڈلیوری کے باعث مشہور ہوئے۔ پولیس کا کہنا ہے کہ لی سن کیون کو کار میں بے ہوشی کی حالت میں دیکھا گیا تھا۔
[visual-link-preview encoded=”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″]
ڈاکٹروں نے کورین فنکار کو مردہ قرار دے دیا تاہم یہ فی الحال واضح نہیں ہوسکا کہ اداکار لی سن کیون نے خودکشی کی ہے یا نہیں۔ پولیس کو لی سن کیون کی جانب سے گھر چھوڑنے سے قبل نوٹ تحریر کرنے کی رپورٹ بھی موصول ہوئی ہے۔
کورین خبر رساں ایجنسی کا کہنا ہے کہ رواں برس اکتوبر سے ہی کورین فنکار لی سن کیون منشیات کے استعمال سے متعلق مقدمے میں تفتیش کا سامنا کر رہے تھے۔ پولیس کا کہنا ہے کہ ان کی گاڑی سیول کے مرکزی حصے میں ایک پارک میں کھڑی ہوئی ملی۔
خبر رساں ایجنسی کا کہنا ہے کہ آنجہانی فنکار پر الزام تھا کہ انہوں نے سیول کے ایک بار میں ایک ملازم کے ہمراہ منشیات کا استعمال کیا تھا جبکہ لی سن کیون کا کہنا تھا کہ مجھے استعمال کردہ چیزوں کے منشیات ہونے کا علم نہیں تھا۔
تحقیقات کے دوران لی سن کیون کی ساکھ اور شہرت کو ناقابلِ تلافی نقصان پہنچا اور انہیں ایک تجسس سے بھرپور ٹی وی سیریز ”نو وے آؤٹ“ کی کاسٹ سے نکال دیا گیا جس کی شوٹنگ کا آغاز اکتوبر کے دوران کردیا گیا تھا۔