حکومت پاکستان افغان ڈاکٹروں کی تربیت کیلئے کالج آف فزیشنز اینڈ سرجنز پاکستان کی ایک شاخ کابل میں کھولے گی، جس سے افغان ڈاکٹروں کو اپنے ہی ملک میں عالمی معیار کا کورس پڑھنے کو ملے گا۔

یہ بھی پڑھیں:

اس امر کا اعلان اسلام آباد میں افغان وزیر صحت ڈاکٹر قلندر عباد اور وفاقی وزیر صحت عبد القادر پٹیل کے درمیان ملاقات میں کیا گیا۔ افغان وزیر صحت ڈاکٹر قلندر عباد نے اسلام آباد میں اپنے پاکستانی ہم منصب عبدالقادر پٹیل سے ملاقات کی، اس موقع پر
صحت کے شعبے میں ہمہ پہلو تعاون پر تبادلہ خیال کیا گیا۔
اس موقع پر اس امر پر اتفاق کیا گیا کہ فغان ڈاکٹروں کو عالمی معیار کے مطابق اسپیشلائزیشن پروگرام کے لیے
College of Physicians & Surgeons Pakistan (CPSP) کی ایک برانچ کابل میں کھولی جائے
گی جس کی بدولت افغان ڈاکٹروں کو FCPS اور MCPS کرنے کی سہولت اپنے ملک میں میسر آئے گی۔

ملاقات میں اس امر پر بھی اتفاق کیا گیا کہ پاکستان کی جانب سے افغانستان میں بنائے گئے تین ہسپتالوں کو حکومت پاکستان مکمل فعال کرے گی۔ نیز دونوں ممالک پولیو کے خاتمے کے لیے  مل کر ہم آہنگی سے کام کریں گے۔ افغان وزارت صحت کے کارکنوں کی صلاحیتوں میں بہتری کے لیے مشترکہ ٹریننگ پروگرام بھی ترتیب دیے جائیں گے۔