گوگل نیوز پر ہمیں فالو کریںکراچی: پاکستان اور ایران کی سمندری سرحد پرنایاب آرہ مچھلی ماہی گیروں کے جال میں آنے کا انکشاف ہواہے۔
ذرائع کے مطابق 29 اکتوبر کو جیوانی کے ساحل پرماہی گیروں نے نایاب نسل کی آرہ مچھلی کے جال میں آنے کی اطلاع دی،آرہ مچھلی نایاب آبی حیات ہے،اسکی نسل پچھلے کئی برسوں سے معدومیت کے خطرے سے دوچارہے۔
آرہ مچھلی کی دریافت اس بات کی عکاس ہے کہ یہ نایاب مچھلی اب بھی پاکستانی سمندروں میں پائی جاتی ہے،اس کی نسل کی بقا کیلئے اقدامات کرنے کی ضرورت ہے۔
معظم خان، تکنیکی مشیر ڈبلیو ڈبلیو ایف کے مطابق پاکستان میں 70 اور 80 کی دہائی میں آرہ مچھلی کی 3 اقسام وافر تعداد میں پائی جاتی تھیں،انھیں برآمد بھی کیاجاتاتھا۔
ماہرین کے مطابق سنہ1950 سے پلاسٹک کے جالوں کے استعمال کے باعث دیگر نایاب آبی حیات سمیت آرہ مچھلی کی نسل معدومیت کا شکار ہوگئی ہے، پچھلے دس برسوں میں اس نایاب آرہ مچھلی کی موجودگی کے صرف 3 شواہد سامنے آئے ہیں۔
مزید پڑھیں: انسانی مداخلت سے دریاؤں میں مچھلی کی حیات کو شدید خطرات لاحق
