نیب نے مسلم لیگ ن کے رہنما میاں جاوید لطیف کیخلاف تحقیقات شروع کر دیں

لاہور:قومی احتساب بیورو (نیب ) لاہور نے مسلم لیگ (ن) کے رہنما میاں جاوید لطیف کے خلاف تحقیقات شروع کر دیں۔

نجی ٹی وی نے نیب ذرائع کے حوالے سے بتایا ہے کہ تحقیقات کے لیے آٹھ مشترکہ رکنی ٹیم بھی تشکیل دے دی گئی ہے۔

نیب کے مطابق میاں جاوید لطیف نے اپنے اہل خانہ کے نام اربوں روپے کی جائیداد بنائی۔ذرائع کا کہنا ہے کہ لیگی رہنما کے خلاف موصول شکایت پر تحقیقات کا آغاز کیا گیا۔

مزید پڑھیں:عمران خان کی حکومت ناکام، تحریک انصاف کے تمام وزرا نااہل قرار

ذرائع کے مطابق حبیب کالونی شیخوپورہ میں 12 مرلے کا گھر ڈیڑھ ایکڑ تک بڑھ گیا، میاں جاوید لطیف کے سیاست میں آنے بعد اثاثوں میں اضافہ ہوا۔

ذرائع کا مزید کہنا تھا کہ میاں جاوید لطیف کے درجنوں اثاثے ان کے اہل خانہ کے نام پر ہیں۔