’مس مارول‘ پاکستانی شائقین کو متاثر کرنے میں ناکام، وجہ کیا؟

مارول اسٹوڈیو کی آنے والی امریکی ویب سیریز ’مس مارول‘ کو یوں تو آئندہ ہفتے ریلیز ہونا تھا، تاہم سوشل میڈیا پر اس کا ایک کلپ وائرل ہورہا ہے جس کو دیکھنے کے بعد پاکستانی شائقین شدید مایوس ہوگئے ہیں۔

سوشل میڈیا پر ویب سیریز کا جو کلپ وائرل ہورہا ہے، اُس میں ویب سیریز کے مرکزی کرداریعنی کمالہ خان کو اپنے ولدین سے بات کرتے ہوئے دیکھا جاسکتا ہے۔ پاکستانی شائقین نے اس وائرل کلپ میں کمالہ خان کے لب و لہجے میں بھارتی طرزِ تخاطب کو دیکھتے ہوئے مارول اسٹوڈیو پر کڑی تنقید کی ہے۔

NEW #MsMarvel clip featuring Kamala, Muneeba and… The Hulk?! pic.twitter.com/0Pp4aUFckU

— Ms. Marvel UK⚡️ (@MsMarvelUK) June 2, 2022

وائرل کلپ میں کمالہ خان کے والد کو ’چک دے پٹھے‘ کا نعرہ لگاتے ہوئے بھی دیکھا جا سکتا ہے۔

واضح رہے کہ مذکورہ کلپ کے وائرل ہونے کے بعد جہاں شائقین نے مارول اسٹوڈیو پر تنقید کی، وہیں یہ دعویٰ بھی کیا ہے کہ ویب سیریز میں کمالہ کی والدہ کے بات کرنے کا انداز بھارتی خاتون جیسا تھا۔

یہ بھی پڑھیں: آئیفا ایوارڈز 2022 میں سارہ علی خان کے خوبصورت لباس کے چرچے

صارفین نے دعویٰ کیا کہ جس طرح کمالہ خان کی والدہ بات کرتی دکھائی دیتی ہیں، اس طرح تو پاکستانی پنجاب کی مائیں بھی بات نہیں کرتیں۔

مزید برآں بعض لوگوں نے یہ بھی لکھا کہ آج تک انہوں نے کسی پاکستانی کو ’چک دے پٹھے‘ کا نعرہ لگاتے ہوئے نہیں دیکھا۔

زیادہ تر سوشل میڈیا صارفین نے کہا کہ جس لہجے میں پاکستانی کرداروں کو دکھایا گیا ہے وہ غلط ہے، ایسا لہجہ پاکستانیوں کا نہیں ہوتا اور یہ ثقافتی بددیانتی میں شمار ہوتا ہے۔