لاہور:پاکستان کے سیلاب متاثرین کیلئے فیس بک کی ملکیتی کمپنی میٹا نے 12 کروڑ 50 لاکھ روپے (125 ملین) کی امداد دینے کا اعلان کیا ہے۔
فیس بک کی ملکیتی کمپنی میٹا کی جانب سے ایک پریس ریلیز میں کہا گیا ہے کہ یہ ٹیکنالوجی کمپنی سیلاب سے متاثرہ کمیونٹیز کی مدد کے لیے یونیسیف، ہینڈز اور ادارہ تعلیم و آگاہی (ITA) کو رقم فراہم کریگی۔
یہ عطیہ ہنگامی امداد، خوراک، پانی اور صفائی ستھرائی کے ساتھ ساتھ سندھ، پنجاب، خیبرپختونخوا اور بلوچستان میں بچوں کو دوبارہ اسکول جانے میں مدد فراہم کرے گا۔
میٹا کے ڈائریکٹر برائے ایمرجنگ مارکیٹس جورڈی فورنیس کا کہنا تھا کہ پاکستان بدترین قدرتی آفات سے گزر رہا ہے، لاکھوں لوگ متاثر ہیں اور پوری قوم اس مشکل وقت میں ان کا ساتھ دینے کے لیے احتجاج کر رہی ہے۔
مزید پڑھیں:انسٹاگرام نے نئے فیچر کی آزمائش پر کام شروع کردیا