گوگل نیوز پر ہمیں فالو کریںکراچی: قومی اسمبلی کے اجلاس میں عبدالقادر پٹیل کی جانب سے نامناسب زبان کے استعمال معروف اداکارہ مہوش حیات نے غصے کا اظہار کیا ہے۔
سماجی رابطے کی ویب سائٹ ٹوئٹر پر اداکار ہ مہوش حیات نے پاکستان پیپلز پارٹی (پی پی پی) کے رکن قومی اسمبلی عبدالقادر پٹیل کی جانب سے قومی اسمبلی کے اجلاس میں غیر اخلاقی گفتگو کی ویڈیو شیئرکی۔
مہوش حیات نے ویڈیو کے کیپشن میں سیاستدانوں اور وزرا کی جانب سے پارلیمنٹ میں غیر اخلاقی زبان استعمال کرنے اور پارلیمنٹ کا تقدس پامال کرنے پر غصے اور حیرت کا اظہارکیا۔
اداکارہ مہوش حیات نے اپنی ٹوئٹ میں قادر پٹیل کی تقریرکو قابل مذمت قراردیتے ہوئے کہا کہ اگرچہ نامناسب گفتگو پارلیمنٹ کے علاوہ دیگر مقامات پر بھی ناقابل قبول ہوتی ہے تاہم ایوان کا ایک الگ تقدس ہوتا ہے۔
اداکارہ نے لکھا کہ پارلیمنٹ میں ایسی گفتگو بالکل نہیں ہونی چاہیے، پارلیمنٹ میں نامناسب گفتگو سمیت کسی پر ذاتی حملے نہیں ہونے چاہیے اور ہمارے سیاستدانوں کی جانب سے اس طرح کا رویہ قابل افسوس ہے۔
It is astounding when our politicians make personal attacks like this. It’s unacceptable anywhere,but the sanctity of Parliament requires a level of decorum which this definitely crosses.There r better ways 2 put up ur case. Appropriate steps must b taken 2 censure this in future https://t.co/mFJn9REGsf
— Mehwish Hayat TI (@MehwishHayat) February 12, 2020
ان کا کہنا تھا کہ اپنی بات کہنے کے اور بھی بہتر طریقے ہوسکتے ہیں۔ مستقبل میں اس حوالے سے مناسب اقدامات کرنے کی ضرورت ہے، اور اپنی آواز یا احتجاج کو دوسرے طریقوں سے ریکارڈ کروایا جائے گا۔
یہ بھی پڑھیں: مہوش حیات کا سرعام پھانسی کا خیر مقدم، مخالفت کرنیوالوں پر پھٹ پڑیں
