گوگل نیوز پر ہمیں فالو کریںکراچی: اداکارہ ماہرہ خان خواتین کے بین الاقوامی دن کے موقعے پر عورت مارچ میں شرکت کے لیے کتنی بے چین تھیں، اس بات کا اظہار انہوں نے یہ بتا کر کیا کہ دن رات شوٹنگ کے باوجود وہ شہرِ قائد واپس گئیں اور عورت مارچ میں شریک ہوئیں۔
سماجی رابطے کی ویب سائٹ ٹوئٹر پر گزشتہ روز اپنے پیغام میں فلم اسٹار ماہرہ خان نے کہا کہ مجھے رت جگے کا سامنا کرنا پڑا اور 24 گھنٹے بغیر سوئے گزر گئے۔ ساری رات اور صبح تک ہماری شوٹنگ چلتی رہی۔
اداکارہ ماہرہ خان نے کہا کہ دن رات شوٹنگ کے باوجود میں مارچ میں شرکت کے لیے کراچی واپس آئی کیونکہ مارچ میں شرکت بے حد اہم تھی۔
عورت مارچ میں شریک ہونے والے خواتین و حضرات سے مخاطب ہوتے ہوئے اداکارہ ماہرہ خان نے کہا کہ مارچ کی حمایت کے لیے جو خواتین گھروں سے نکلیں، ان کا اور مرد حضرات کا خصوصی شکریہ ادا کرتی ہوں۔
ماہرہ خان نے کہا کہ تمام مردوخواتین کا بے حد شکریہ جو گھروں سے عورت مارچ کے لیے باہر آئے۔ ہم سب اتحاد کے ساتھ مستحکم قوم بنتے ہیں۔ خواتین کے عالمی دن کے موقعے پر سب کو مبارکباد کہتی ہوں۔
It’s been 24 hrs of no sleep. Shot all night /morning and got back to Khi for the march. It was so worth it!Thank you to all the women who came out in support and especially thank you to the men who came out – together we are stronger. Goodnight! Happy WomensDay 💕💕 #walkthetalk
— Mahira Khan (@TheMahiraKhan) March 8, 2020
