گوگل نیوز پر ہمیں فالو کریںلاہور:لاہور ہائیکورٹ نے پاکستان تحریک انصاف (پی ٹی آئی) کے رہنما فیاض الحسن چوہان کو رہا کرنے کا حکم دے دیا۔
لاہور ہائیکورٹ راولپنڈی بینچ نے جسٹس چوہدری عبد العزیز کی سربراہی میں پاکستان تحریک انصاف کے 132 کارکنوں کی نظربندی کیخلاف درخواست کی وقفے کے بعد سماعت کی، عدالت نے فیاض الحسن چوہان کی نظر بندی کالعدم قراردے دی۔
عدالت نے فیاض الحسن چوہان کو ایک لاکھ شورٹی بانڈز جمع کرنے کا حکم دیتے ہوئے کہا کہ وہ بیانِ حلفی دیں کہ وہ کسی توڑ پھوڑ جلاؤ گھیراؤ یا اس قسم کی سرگرمی میں دوبارہ حصّہ نہیں لیں گے۔
عدالت کا کہنا ہے کہ مقدمات میں نامزد افراد کیسز کا سامنا کریں گے، جوشخص کسی مقدمے میں نامزد نہیں، صرف اسے رہا کیا جائیگا، اس کے علاوہ عدالت نے توڑ پھوڑ میں ملوث کارکنان کی الگ فہرست طلب کرلی۔
مزید پڑھیں:بلوچستان اور پاکستان کو عظیم قربانیوں کے نتیجے میں امن کا گہوارہ بنایا گیا، وزیر اعظم
واضح رہے کہ پی ٹی آئی رہنماء فیاض الحسن چوہان کو تھری ایم پی او کے تحت حراست میں لیا تھا۔
